News Flash

चेक प्रजासत्ताकातील रुग्णालयात गोळीबार; सहा ठार

पूर्व चेक प्रजासत्ताकातील एका व्यक्तीने रुग्णालयात केलेल्या गोळीबारात सहा जण ठार झाले.

पूर्व चेक प्रजासत्ताकातील एका व्यक्तीने रुग्णालयात केलेल्या गोळीबारात सहा जण ठार झाले. पोलिसांनी दिलेल्या माहितीनुसार हल्लेखोर फरार आहे. सार्वजनिक रेडिओ केंद्राने त्याच्या चित्रफिती व छायाचित्रे जारी केली असून पोलिसांनी एका व्यक्तीला अटक केली आहे,  पण तो संशयित आहे किंवा नाही हे अजून समजलेले नाही. पंतप्रधान आंद्रेज बाबीस यांनी दूरचित्रवाणीवर सांगितले,की रुग्णालयाच्या प्रतीक्षा कक्षात सदर हल्लेखोराने गोळीबार केला. अगदी जवळून त्याने लोकांच्या डोक्यात गोळ्या झाडल्या.

सुरूवातीला एका लाल जॅकेट घातलेल्या व्यक्तीचे छायाचित्र प्रसिद्ध करण्यात आले होते, पण नंतर तो प्रमुख साक्षीदार असल्याचे सांगण्यात आले. मंगळवारी सकाळी सात वाजता ऑस्ट्राव्हा शहरात विद्यापीठ रुग्णालयात हा गोळीबार झाला. हे ठिकाण प्रागच्या पूर्वेला ३५० कि.मी. अंतरावर आहे.

अधिकाऱ्यांनी सांगितले, की इतर लोकांना रुग्णालयातून सुरक्षित ठिकाणी हलवण्यात आले असून देशभरात सुरक्षा वाढवण्यात आली आहे. हल्लेखोर मोटारीतून आला होता. पोलिसांनी त्याच्या वाहनावर  गोळीबार करण्याचा प्रयत्न केला, पण त्याआधीच त्याने आत्महत्या केली, असे सांगण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 11, 2019 1:09 am

Web Title: six gunmen shot dead in hospital in czech republic akp 94
Next Stories
1 पंतप्रधान नरेंद्र मोदीचं ‘ते’ ट्विट ठरलं २०१९ मधील ‘गोल्डन ट्विट’
2 “आम्हाला नव्हतं माहीत की आमच्याबरोबर विश्वासघात होईल”
3 CAB : शिवसेनेचं ‘भांगडा’ राजकारण सुरु आहे, ओवेसींची बोचरी टीका
Just Now!
X