मनुष्यबळ विकास मंत्री स्मृती इराणी यमुना द्रुतग्रती मार्गावरील अपघातात किरकोळ जखमी झाल्या. वृंदावन येथे भारतीय जनता युवा मोर्चाच्या कार्यक्रमाहून दिल्लीला जाताना हा अपघात झाला. प्राथमिक माहितीनुसार एक दुचाकीस्वार स्मृती इराणींच्या ताफ्यातील वाहनावर आदळला. त्यात तो ठार झाला. अपघातात तीन सुरक्षा रक्षक तसेच चालक जखमी झाले. यामध्ये स्मृती इराणींच्या गुडघ्याला जखम झाली. अपघातानंतर दिल्लीला जाताना स्मृती इराणी यांनी काही जखमींना मदत केल्याचे समजते.