04 August 2020

News Flash

… मग रायबरेलीत आयआयआयटी सुरू करण्यापासून इराणींना कोणी रोखलंय? – प्रियांका गांधींचा प्रश्न

सध्या रायबरेलीतील नागरिकांना अनेक प्रश्नांना सामोरे जावे लागत आहे. त्यामुळे आपण सातत्याने या मतदारसंघात येतो, असेही त्यांनी स्पष्ट केले.

| May 27, 2015 05:20 am

अमेठी आणि रायबरेली या दोन्ही मतदारसंघाचा विकास करण्याची केंद्रीय मनुष्यबळ विकास मंत्री स्मृती इराणी यांची इच्छा आहे, तर रायबरेलीमध्ये आयआयआयटी सुरू करण्यापासून त्यांना कोणी रोखले आहे, असा प्रश्न बुधवारी प्रियांका गांधी यांनी विचारला. अमेठी आणि रायबरेलीतील जनतेने आतापर्यंत केवळ आश्वासनेच ऐकली आहेत. मात्र, या दोन्ही ठिकाणांचा विकास आता खऱया अर्थाने सुरू होणार असल्याचे स्मृती इराणी यांनी म्हटले होते. त्याला प्रियांका गांधी यांनी उत्तर दिले.
रायबरेली हा कॉंग्रेस अध्यक्षा सोनिया गांधी यांचा मतदारसंघ असून, अमेठी हा राहुल गांधी यांचा मतदारसंघ आहे. प्रियांका गांधी दोन दिवस रायबरेलीच्या दौऱयावर आहेत. स्मृती इराणी यांनी केलेले सर्व आरोप फेटाळून लावत त्यांनी मागच्या यूपीए सरकारने केलेल्या घोषणेप्रमाणे रायबरेलीमध्ये आयआयआयटी सुरू करण्यापासून स्मृती इराणी यांना कोणी रोखले आहे, याचे उत्तर द्यावे, असा प्रश्न त्यांनी विचारला. युवकांसमोर सध्या अनेक प्रश्न आहेत आणि त्यावर मार्ग शोधणे हे मनुष्यबळ विकास मंत्रालयाचे काम आहे. मग त्या यात का लक्ष घालत नाहीत, असाही प्रश्न प्रियांका गांधी यांनी विचारला.
सध्या रायबरेलीतील नागरिकांना अनेक प्रश्नांना सामोरे जावे लागत आहे. त्यामुळे आपण सातत्याने या मतदारसंघात येतो, असेही त्यांनी स्पष्ट केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 27, 2015 5:20 am

Web Title: smriti irani should answer why she is not setting up iiit priyanka gandhi
टॅग Priyanka Gandhi
Next Stories
1 देशात पहिल्यांदाच महाविद्यालयाच्या प्राचार्यपदी लिंगपरिवर्तित व्यक्ती
2 ‘लूटमार सरकार’पासून मुक्तता मिळाल्याने जनता आनंदी, भाजपचे प्रत्युत्तर
3 मोदींच्या काळात आरोग्य क्षेत्र आजारी
Just Now!
X