News Flash

सोमनाथ भारतींचे वर्तन ‘आप’साठी लज्जास्पद, पोलिसांना शरण जावे- केजरीवाल

दिल्लीचे माजी विधिमंत्री सोमनाथ भारती यांच्याविरुद्ध घरगुती हिंसेच्या आरोपांवरून गेले काही दिवस सुरू असलेल्या कारवाईबाबत अरविंद केजरीवाल यांनी बुधवारी भाष्य केले. सोमनाथ भारती यांचे वर्तन

दिल्लीचे माजी विधिमंत्री सोमनाथ भारती यांच्याविरुद्ध घरगुती हिंसेच्या आरोपांवरून गेले काही दिवस सुरू असलेल्या कारवाईबाबत अरविंद केजरीवाल यांनी बुधवारी भाष्य केले. सोमनाथ भारती यांचे वर्तन आम आदमी पक्षासाठी (आप) लज्जास्पद गोष्ट असल्याचे केजरीवाल यांनी ट्विटरवरून सांगितले. सोमनाथ यांनी आता पोलिसांना शरण गेले पाहिजे. ते त्यांच्यापासून का पळत आहेत?, जेलमध्ये जाण्यास ते इतके का घाबरत आहेत, असे सवाल उपस्थित करत केजरीवाल यांनी भारतींचे वर्तन पक्ष आणि त्यांच्या कुटुंबियांना मान खाली घालायला लावणारे असल्याचे म्हटले. याशिवाय, त्यांनी आता पोलिसांना सहकार्य केले पाहिजे, असेही सांगितले. दिल्ली पोलिसांकडून मंगळवारी भारती यांना हुडकून काढण्यासाठी शोध मोहीम हाती घेण्यात आली होती. भारती यांची पत्नी लिपिका यांनी काही महिन्यांपूर्वी त्यांच्याविरुद्ध मारहाणीची तक्रार दिली होती. त्यानंतर भारती यांच्याविरुद्ध कौटुंबिक हिंसाचार कायद्यांतर्गत गुन्हा दाखल करण्यात आला होता. दरम्यान, जोपर्यंत न्यायालयात याप्रकरणाचा निकाल लागत नाही तोपर्यंत जगासमोर येणार नाही, अशी भूमिका सोमनाथ भारती यांनी घेतली आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 23, 2015 10:28 am

Web Title: somnath bharti an embarrassment to aap should surrender says arvind kejriwal
टॅग : Somnath Bharti
Next Stories
1 पंतप्रधानांच्या अमेरिका-आयर्लंड दौऱ्याला प्रारंभ
2 भागवतांच्या वक्तव्याने शहांची धावाधाव
3 नेताजींचे चेकच्या महिलेशी दुसरे लग्न?
Just Now!
X