25 October 2020

News Flash

धक्कादायक ! पेन्शनमध्ये भागीदारी न दिल्याने आई-बापाला घातल्या गोळ्या

१० वर्षांपूर्वी त्यांना २२ लाख रुपये पेन्शन मिळाली होती. त्यावेळी त्यांनी हे पैसे दोन्ही मुलांमध्ये वाटून दिले आणि काही पैसे स्वतःकडे ठेवले होते, पण...

पेन्शनमध्ये भागीदारी दिली नाही म्हणून मुलाने आपल्या आई-वडिलांची गोळ्या घालून हत्या केल्याची धक्कादायक घटना उघडकीस आली आहे. बिहारमधील बिहटा या ठिकाणी मंगळवारी मध्यरात्री ही घटना घडली. आई-वडिलांची हत्या करुन आरोपी मुलगा फरार असून पोलीस त्याचा शोध घेत आहेत.

रेल्वेचे निवृत्त कर्मचारी राहिलेले मुनारिका यादव यांनी आपला लहान मुलगा अवधेश यादव याला पेन्शनमधील हिस्सा नाकारला होता. मुनारिका यादव हे आपल्या पत्नीसह मोठा मुलगा रमेश याच्या घरी राहायचे, त्यांना दरमहिन्याला १५ हजार रुपये पेन्शनच्या स्वरुपात मिळत होते. हा पैसा ते मोठा मुलगा रमेश याच्या घरखर्चावर आणि आपल्या नातवंडांवर खर्च करायचे. त्यामुळे अवधेश संतापला होता. अवधेश हा तेथून जवळच राहायचा. मंगळवारी त्याचं पेन्शनच्या पैशांवरुन वडिलांसोबत भांडण झालं होतं, त्यानंतर रात्री उशीरा अवधेश हा रमेशच्या घराजवळ आला आणि घराबाहेर झोपलेल्या आई-वडिलांवर त्याने गोळीबार केला. गोळीच्या आवाजाने रमेश आणि परिसरातील लोक जागे झाले आणि त्यांनी रक्तबंबाळ अवस्थेतील वृद्ध दांपत्यांना पाहिलं. त्यानंतर सर्वांनी अवधेशचा पाठलाग करण्याचा प्रयत्न केला पण रात्रीची वेळ असल्याने तो पसार झाला.

निवृत्त झाल्यानंतर म्हणजे 10 वर्षांपूर्वी मुनारिका यांना २२ लाख रुपये पेन्शन मिळाली होती. त्यावेळी त्यांनी हे पैसे दोन्ही मुलांमध्ये वाटून दिले आणि काही पैसे स्वतःच्या आणि पत्नीच्या म्हातारपणासाठी ठेवले होते. पहिल्या पत्नीच्या मृत्यूनंतर अवधेशने दुसरं लग्न केलं होतं. तेव्हापासून मुनारिका हे मोठ्या मुलासोबत राहत होते अशी माहिती आहे.  गेल्या काही महिन्यांपासून अवधेश महिन्याला मिळणाऱ्या पेन्शनच्या पैशांसाठी वडिलांकडे तगादा लावत होता, आणि त्यावरुन तो संतापालही होता अशी माहिती आहे. पोलीस आरोपी मुलाचा शोध घेत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 19, 2018 5:28 am

Web Title: son kills parents for not giving shares in pension
Next Stories
1 सरकारविरोधात अविश्वास!
2 गांधी जयतीनिमित्त कैद्यांसाठी खुषखबर, तीन टप्प्यांमध्ये होणार तुरूंगातून सुटका
3 विश्वविजेत्या फ्रान्सचा पोग्बा शोधतोय ‘अच्छे दिन’, काँग्रेसने उडवली खिल्ली
Just Now!
X