News Flash

सोनिया-मंडेला यांच्या भावपूर्ण भेटीला उजाळा

काँग्रेसच्या अध्यक्षा सोनिया गांधी यांनी २००७मध्ये दिवंगत नेते नेल्सन मंडेला यांची अल्पकाळ सदिच्छा भेट घेतली असता, त्या भेटीत माजी पंतप्रधान इंदिरा गांधी आणि राजीव गांधी

| December 7, 2013 03:03 am

काँग्रेसच्या अध्यक्षा सोनिया गांधी यांनी २००७मध्ये दिवंगत नेते नेल्सन मंडेला यांची अल्पकाळ सदिच्छा भेट घेतली असता, त्या भेटीत माजी पंतप्रधान इंदिरा गांधी आणि राजीव गांधी यांच्या आठवणी निघून मंडेला आणि सोनिया यांच्या भेटीला एक भावनिक उजाळा मिळाला. इंदिरा गांधी आणि राजीव यांचे आफ्रिकन नॅशनल काँग्रेसवर एक ऋण असल्याचे मंडेला यांच्या निकटवर्तीयांनी सोनियांना त्या वेळी सांगितले होते.
दक्षिण आफ्रिकेत वर्णद्वेषाविरोधात लढा देताना तब्बल २६ वर्षे तुरुंगवास भोगणारे भारतीय वंशाचे ज्येष्ठ नागरिक अहमद कथ्रादा यांनी त्या वेळी मंडेला आणि सोनिया यांची भेट घालून दिली होती. कथ्रादा हेही मंडेला यांच्याच समवेत तुरुंगवासात होते. वर्णद्वेषी सरकारविरोधात लढा देण्याकामी गांधी परिवार तसेच भारताने महत्त्वपूर्ण योगदान दिल्याचे कथ्रादा यांनी सांगितले. वर्णद्वेषाविरोधातील लढय़ासह आफ्रिकन नॅशनल काँग्रेसचे दिल्लीत कार्यालय सुरू करण्याकामीही इंदिराजींनी मदत केली होती तसेच आफ्रिकन नॅशनल काँग्रेसला राजनैतिक दर्जा बहाल करून मान्यता देणारा भारत हा पहिला देश ठरला होता, अशीही माहिती कथ्रादा यांनी दिली. मंडेला यांना मदत करण्यासाठी इंदिराजी व माझ्या पतींनी महत्त्वपूर्ण भूमिका बजावली, याची आठवण करून देण्यात आल्यानंतर मंडेला यांच्यासमवेत काही काळ व्यतित करण्याची बाब आपल्याला हलविणारी ठरली, असे सोनिया गांधी यांनी सांगितले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 7, 2013 3:03 am

Web Title: sonia gandhi mourns mandelas death as the loss of a beloved father
टॅग : Nelson Mandela
Next Stories
1 ठपका ठेवल्यानंतर गांगुली यांच्यावरील कारवाईत कुचराई करणे गैर-सिब्बल
2 वादग्रस्त वक्तव्यानंतर फारुख यांची माफी
3 अन्न सुरक्षा योजना : भारताच्या आक्षेपांचे निराकरण
Just Now!
X