दाक्षिणात्य अभिनेता कमल हसनने तामिळनाडूच्या राजकारणात प्रवेश केला आहे. मदुराईच्या ओथाकडाई मैदानात आपल्या लाखो पाठीराख्यांच्या साक्षीने कमल हसनने आपल्या नवीन पक्षाची घोषणा केली. कमल हसनच्या नवीन पक्षाचं नाव 'मक्कल निधी मय्यम' असं आहे. आजच्या सभेदरम्यान कमल हसनने आपल्या पक्षाच्या राजकीय चिन्हाचंही अनावरण केलं. एका ताऱ्याभोवती सहा हातांनी केलेली गुंफण असं हसन यांच्या नवीन पक्षांचं चिन्ह असणार आहे. The newly founded MAKKAL NEEDHI MAIAM is your party. It’s here to stay, and to make the change we all aspire for. Guide us to serve you. #maiam #makkalneedhimaiamofficial website: : : pic.twitter.com/Xza62w4DcC— Kamal Haasan (@ikamalhaasan) February 21, 2018 दिल्लीचे मु्ख्यमंत्री अरविंद केजरीवाल यावेळी कमल हसन यांच्यासोबत व्यासपीठावर उपस्थित होते. यावेळी आपल्या पाठीराख्यांशी बोलताना कमल हसनने, आपला पक्ष जनतेसाठी काम करणार असून आगामी काळात आपल्यावर खूप मोठी जबाबदारी असणार आहे असं म्हणत आपली राजकीय दिशा स्पष्ट केली. मदुराईत सभा घेण्यापूर्वी कमल हसनने आपल्या रामनाथपुरम या जन्मस्थळालाही भेट दिली.