News Flash

मान्सूनचे आगमन उशिराने, 6 जून रोजी केरळात दाखल होणार

दरवर्षी साधारणत: 1 जून रोजी मोसमी पावसाचा केरळमध्ये प्रवेश होत असतो. मात्र, हवामान विभागाने वर्तविलेल्या अंदाजानुसार यंदा मान्सून 6 जून रोजी केरळमध्ये प्रवेश करणार आहे.

प्रतिकात्मक छायाचित्र

मोसमी पाऊस (मान्सून) 6 जून रोजी केरळात दाखल होणार असल्याचा अंदाज हवामान विभागाने वर्तवला आहे. दरवर्षी मान्सून 1 जून रोजी केरळात दाखल होतो. पण यावेळी तो पाच दिवस उशिराने येणार आहे.

हवामान विभागाने बुधवारी मान्सूनबाबतचा अंदाज वर्तवला आहे. यंदा देशभरात सरासरी पाऊस पडण्याची शक्यता हवामान विभागाने वर्तवली आहे. दरवर्षी साधारणत: 1 जून रोजी मोसमी पावसाचा केरळमध्ये प्रवेश होत असतो. मात्र, हवामान विभागाने वर्तविलेल्या अंदाजानुसार यंदा मान्सून 6 जून रोजी केरळमध्ये प्रवेश करणार आहे. मान्सूनसाठी पोषक वातावरण तयार होत असून अंदमान- निकोबार बेटांवर 18 ते 19 मे पर्यंत मान्सून पोहोचेल. तिथून केरळमध्ये मान्सून 10 दिवसांमध्ये पोहोचतो. मात्र, यंदा अल- निनोच्या प्रभावामुळे मान्सूनचा वेग मंदावेल आणि सहा जूनरोजी मान्सून केरळमध्ये प्रवेश करणार असल्याची शक्यता हवामान विभागाने वर्तवली आहे.

दरम्यान, स्कायमेट या खासगी हवामान संस्थेने मंगळवारी मान्सूनबाबतचा अंदाज वर्तवला होता. मोसमी पाऊस येत्या ४ जूनला केरळात येण्याचे चिन्हे असल्याचे स्कायमेटने म्हटले होते. मोसमी पाऊस हा दीर्घकालीन सरासरीपेक्षा कमी असणार असून दीर्घकालीन सरासरी ९३ टक्के आहे. यात पाच टक्के कमी-अधिक होऊ शकते. याचा मोसमी पाऊस ९३ टक्क्य़ांपेक्षा कमी राहील, असे स्कायमेटने म्हटले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 15, 2019 3:46 pm

Web Title: southwest monsoon prediction imd reach kerala on june 6
Next Stories
1 मोदींचा मुख्यमंत्रीपदाचा कार्यकाळ हा देशासाठी कलंक : मायावती
2 बहुमताचा टप्पा आम्ही कधीच गाठला आहे, अमित शाह यांचा आत्मविश्वास
3 मोदींबाबत अक्षेपार्ह वक्तव्य, राहुल गांधींच्या वाढू शकतात अडचणी 
Just Now!
X