29 May 2020

News Flash

मोदी सरकार गांधी कुटुंबाची SPG सुरक्षा हटवणार

गांधी कुटुंबाचे एसपीजी सुरक्षा कवच लवकरच काढण्यात येणार आहे. एसपीजी म्हणजे स्पेशल प्रोटेक्शन ग्रुप.

(संग्रहित छायाचित्र)

गांधी कुटुंबाचे एसपीजी सुरक्षा कवच लवकरच काढण्यात येणार आहे. एसपीजी म्हणजे स्पेशल प्रोटेक्शन ग्रुप. केंद्रातल्या नरेंद्र मोदी सरकारने हा निर्णय घेतला आहे. एनडीटीव्हीने सूत्रांच्या हवाल्याने हे वृत्त दिले आहे. काँग्रेस अध्यक्ष सोनिया गांधी आणि त्यांची दोन मुले राहुल, प्रियंका गांधी वड्रा यांना आता झेड प्लस कॅटेगरीची सुरक्षा असेल. गांधी कुटुंबाला याबद्दल अद्याप माहिती देण्यात आलेली नाही असे गांधी कुटुंबियांच्या निकटवर्तीयांनी सांगितले.

नुकताच सुरक्षेसंदर्भातील आढावा घेतल्यानंतर हा निर्णय घेण्यात आला. एसपीजी ही पंतप्रधान आणि त्यांच्या कुटुंबियांची सुरक्षा संभाळणारी पहिली एलिट फोर्स आहे. यामध्ये ३००० अधिकारी आहेत. एसपीजीकडे आता फक्त पंतप्रधान नरेंद्र मोदींच्या सुरक्षेची जबाबदारी असेल. झेड प्लसमध्ये गांधी कुटुंबाच्या सुरक्षेची जबाबदारी केंद्रीय राखीव पोलीस दलाकडे (सीआरपीएफ) असेल.

गांधी कुटुंबाचे एसपीजी सुरक्षा कवच काढण्याच्या निर्णयावरुन मोठा वाद होऊ शकतो. माजी पंतप्रधान राजीव गांधी यांची १९९१ साली हत्या झाली. तेव्हापासून गांधी कुटुंबाला एसपीजीचे सुरक्षा कवच आहे. पंतप्रधान आणि त्यांच्या कुटुंबियांच्या सुरक्षेसाठी १९८५ साली एसपीजी स्थापना करण्यात आली. दिवंगत पंतप्रधान इंदिरा गांधी यांच्या हत्येनंतर एसपीजीची स्थापना झाली. राजीव गांधी यांच्या हत्येनंतर माजी पंतप्रधान आणि त्यांच्या कुटुंबाला १० वर्षापर्यंत सुरक्षा देण्यासाठी एसपीजी कायद्यात दुरुस्ती करण्यात आली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 8, 2019 5:55 pm

Web Title: spg cover to gandhis withdrawn z security dmp 82
Next Stories
1 आम्हाला समजेल असा निकाल द्या; सुप्रीम कोर्टाची मुंबई हायकोर्टाला विनंती
2 बिहारमध्ये चांदीच्या पावसाची चर्चा; चांदी गोळा करण्यासाठी लोकं रस्त्यावर
3 २०१९ लोकसभा निवडणुकीत काँग्रेसने खर्च केले ८२० कोटी
Just Now!
X