24 February 2021

News Flash

काश्मीरमध्ये दंगेखोरांकडून शाळेतील विद्यार्थी ‘टार्गेट’, स्कूलबसवर दगडफेक

माझा मुलगा दगडफेकीत जखमी झाला आहे. हे मानवतेच्या विरोधात आहे. हे कोणत्याही निष्पापाबरोबर होऊ शकते, असे दगडफेकीत जखमी झालेल्या विद्यार्थ्याच्या वडिलाने म्हटले.

दहशतवादी संघटना हिज्बुल मुजाहिदीनचा कमांडर आणि पोस्टर बॉय समीर टायगरचा सुरक्षा दलांनी खात्मा केल्यानंतर काश्मीर खोऱ्यात सध्या तणावाचे वातावरण आहे.

दहशतवादी संघटना हिज्बुल मुजाहिदीनचा कमांडर आणि पोस्टर बॉय समीर टायगरचा सुरक्षा दलांनी खात्मा केल्यानंतर काश्मीर खोऱ्यात सध्या तणावाचे वातावरण आहे. राज्यातील कानीपोरा भागात दंगेखोरांनी एका स्कूल बसवर दगडफेक केली असून यात एक मुलगा जखमी झाला आहे. या बसमध्ये ४-५ वर्षांची छोटी मुले जात होती, असे सांगण्यात येते.

माझा मुलगा दगडफेकीत जखमी झाला आहे. हे मानवतेच्या विरोधात आहे. हे कोणत्याही निष्पापाबरोबर होऊ शकते, असे दगडफेकीत जखमी झालेल्या एका विद्यार्थ्याच्या वडिलाने म्हटले. माजी मुख्यमंत्री उमर अब्दुल्ला यांनीही या घटनेचा निषेध केला असून मुलांवर हल्ला करणाऱ्यांवर टीका केली आहे. लहान मुलं आणि पर्यटकांवर दगडफेक करून या दंगेखोरांचा अजेंडा कसा पूर्ण होत आहे, अशा प्रकारच्या हल्ल्यांना स्पष्टपणे विरोध केला पाहिजे, असे ट्विट त्यांनी केले.

यापूर्वी पुलवामा येथे एका नागरिकाच्या मृत्यूनंतर फुटीरवादी संघटनांनी बंदचे आवाहन केले होते. बंदमुळे रेल्वे, इंटरनेट, दुकाने आणि वाहतूक बंद करण्यात आली होती. यापूर्वी सोमवारी हिज्बुलचा कमांडर समीर टायगर आणि त्याचा सहकारी अकीब द्रबगाम सुरक्षा दलाबरोबर झालेल्या चकमकीत मारला गेला होता. त्याच भागात दगडफेक झाली. दंगेखोर आणि सुरक्षादलामध्ये चकमकही उडाली होती. यामध्ये शाहीद (वय १४) मारला गेला तर इतर १५ जण जखमी झाले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 2, 2018 2:56 pm

Web Title: stone pelting on a school bus in kanipora jammu and kashmir
Next Stories
1 फेसबुकवर मोदींचाच बोलबाला, डोनाल्ड ट्रम्प यांना टाकले मागे
2 मध्य प्रदेश पोलिसांचा आणखी एक प्रताप, एकाच खोलीत घेतली तरुण आणि तरुणींची मेडिकल टेस्ट
3 उत्तर प्रदेशात प्रभू रामचंद्र आणि सीतामातेच्या आशिर्वादाने पार पडणार ‘निकाह’
Just Now!
X