22 October 2020

News Flash

पाकच्या कुरापती सुरुच, रमजानच्या दिवशी सुरक्षा दलाच्या जवानांवर दगडफेक

पाकिस्तानकडून शस्त्रसंधीचे उल्लंघन, श्रीनगर आणि अनंतनाग या ठिकाणी घोषणाबाजी करत दाखवले आयसिस आणि पाकिस्तानचे झेंडे

(संग्रहित छायाचित्र)

रमजानचा महिना असल्याने भारताने महिनाभर शस्त्रसंधी पाळली. मात्र पाकिस्तानचे नापाक इरादे जसेच्या तसेच आहेत हेच दिसून येते आहे. शस्त्रसंधीचे उल्लंघन पाकिस्तानने केलेच शिवाय जम्मू काश्मीरची राजधानी असलेल्या श्रीनगरमध्ये सुरक्षा दलाच्या जवानांवर दगडफेकही करण्यात आली. त्यामुळे आज रमजान ईद असूनही या ठिकाणचे वातावरण काहीसे धुमसतेच राहिले आहे. दक्षिण काश्मीरच्या अनंतनाग भागातही सुरक्षा दलाच्या जवानांवर दगडफेक करण्यात आली.

यावेळी पाकिस्तान आणि आयसिसचे झेंडेही फकडवण्यात आले. तसेच जमावही मोठ्या प्रमाणात जमला होता आणि घोषणाबाजी करू लागला होता. त्यामुळे या जमावाला पांगवण्यातठी सुरक्षा दलांनी अश्रू धुराच्या नळकांड्याही फोडल्या. दोन दिवसांपूर्वीच जामा मशिद भागातही असाच प्रकार घडला होता. गेल्या 4 आठवड्यांपासून दगडफेकीच्या घटना कमी झाल्या आहेत असे अधिकाऱ्यांकडून सांगितले जात असले तरीही गेल्या काही दिवसांपासून दगडफेकीच्या घटना वाढल्या आहेत. पाकिस्तानच्या या नापाक हरकतीचे परिणाम अटारी आणि वाघा बॉर्डरवरही बघायला मिळाले या ठिकाणी बीएसएफच्या जवानांनी आणि पाकिस्तानच्या रेंजर्सनी ईदची मिठाईही दिली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2018 3:37 pm

Web Title: stone pelting on security forces by locals in srinagar of jammu kashmir after eid ul fitr namaz
Next Stories
1 पाकिस्तानी सैनिकांना ईदीच्या शुभेच्छा देण्याच्या प्रथेला यंदा फाटा
2 ईदच्या दिवशीही पाकिस्तानची नापाक हरकत, सीमेवर २१ वर्षांचा जवान शहीद
3 हिमाचल प्रदेशात ट्रेकसाठी गेलेल्या बदलापूरच्या ट्रेकरचा मृत्यू
Just Now!
X