27 May 2020

News Flash

कठोर आर्थिक सुधारणा राबवल्यास १५ वर्षांत जगाचा दारिद्रय़ाला रामराम

जागतिक बँकेच्या गटाचे जिम योंग किम यांनी सांगितले की, देशांनी लोकांमध्ये गुंतवणूक केली पाहिजे.

जागतिक बँकेचा आशावाद

येत्या पंधरा वर्षांत जगातील दारिद्रय़ दूर होईल पण त्यासाठी अनेक देशांना कठोर सुधारणा करणारे निर्णय घेऊन आर्थिक विकास घडवून आणावा लागेल, असे जागतिक बँकेच्या गटाने घाना येथील भेटीत म्हटले आहे.
जागतिक बँकेच्या गटाचे जिम योंग किम यांनी सांगितले की, देशांनी लोकांमध्ये गुंतवणूक केली पाहिजे. नागरिक पुन्हा दारिद्रय़ात जाणार नाहीत याची काळजी घेतली पाहिजे. घानाची राजधानी अकरा येथे जागतिक दारिद्रय़ निर्मूलन दिनानिमित्त आयोजित कार्यक्रमात ते बोलत होते. जागतिक बँकेला लोकांचे जीवनमान सुधारायचे आहे. २०३० पर्यंत दारिद्रय़ाचे उच्चाटन व विकसनशील देशातील तळागाळातील ४० टक्के लोकांची भरभराट झाली पाहिजे ही आमची उद्दिष्टे आहेत. पण २०३० पर्यंत दारिद्रय़ जर नष्ट करायचे असेल तर ते कठीण आव्हान आहे कारण जागतिक आर्थिक वाढ कमी आहे. वस्तूंच्या किमती कमी आहेत व व्याज दर जास्त आहेत. आशेचा किरण म्हणजे यावर्षी दिवसाला १.९० डॉलर्स कमावणाऱ्या लोकांची संख्या १० टक्क्य़ांपेक्षा कमी होऊन ९.६ टक्के असेल. आफ्रिकेतील दारिद्रय़ १९९० मध्ये ५६ टक्के होते ते २०१५ मध्ये ३५ टक्के इतके खाली आले आहे. लोकसंख्या वाढ हे अनेक देशांपुढील आव्हान आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 18, 2015 12:29 am

Web Title: strict economic conditions remove poverty from world world bank
Next Stories
1 परदेशापेक्षा देशात काळा पैसा जास्त : पसायत
2 सौदी अरेबियात इसिस हल्लेखोराचा गोळीबार, ५ ठार
3 तुर्कस्तानमध्ये नाव दुर्घटनेत १२ जणांचा मृत्यू
Just Now!
X