News Flash

युद्धसामग्रीने पेट घेतल्यामुळे ‘सिंधुरक्षक’मध्ये स्फोटाची शक्यता – संरक्षणमंत्री

आयएनएस सिंधुरक्षक पाणबुडीतील युद्धसामग्रीने पेट घेतल्यामुळेच त्यामध्ये स्फोट झाल्याची शक्यता असल्याचे प्राथमिक तपासातून आढळल्याचे संरक्षणमंत्री ए. के. ऍंटनी यांनी सोमवारी राज्यसभेत सांगितले.

| August 19, 2013 03:48 am

आयएनएस सिंधुरक्षक पाणबुडीतील युद्धसामग्रीने पेट घेतल्यामुळेच त्यामध्ये स्फोट झाल्याची शक्यता असल्याचे प्राथमिक तपासातून आढळल्याचे संरक्षणमंत्री ए. के. ऍंटनी यांनी सोमवारी राज्यसभेत सांगितले. या घटनेच्या पार्श्वभूमीवर देशाकडील सर्वच पाणबुड्यांमधील युद्धसामग्रीच्या सुरक्षेविषयक नियमांची काटेकोर अंमलबजावणी करण्याचे आणि सुरक्षेबाबत पुरेशी खबरदारी घेण्याचे आदेश नौदलाने दिले आहेत, असेही त्यांनी सांगितले.
नौदलाच्या ताफ्यातील सिंधुरक्षक पाणबुडीला गेल्या मंगळवारी रात्री मुंबईतील डॉकयार्डवर भीषण आग लागली होती. आगीमुळे या पाणबुडीला जलसमाधी मिळाली. घटना घडली त्यावेळी पाणबुडीमध्ये तीन अधिकाऱयांसह १८ नौसैनिक कार्यरत होते. आगीची तीव्रता आणि त्यामुळे पाणबुडीला झालेले नुकसान बघता १८ जणांपैकी कोणीही जिवंत असण्याची शक्यता खूप धूसर असल्याचेही ऍंटनी यांनी सभागृहात स्पष्ट केले. पाणबुडीतील युद्धसामग्रीने कशामुळे पेट घेतला, याचे कारण अद्याप स्पष्ट झालेले नाही, असेही ऍंटनी यांनी सभागृहाला सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 19, 2013 3:48 am

Web Title: submarine blasts due to possible ignition of armament antony
टॅग : Ins Sindhurakshak
Next Stories
1 कांद्याचे दर कधी उतरतील, सांगू शकणार नाही – शरद पवार
2 केबलची बिले थेट ग्राहकाच्या दारी!
3 जीएसएलव्ही डी -५ प्रक्षेपकाचे आज उड्डाण
Just Now!
X