24 November 2020

News Flash

अफगाणिस्तानात आत्मघाती हल्ल्यात ११ चिमुरड्यांचा मृत्यू

अफगाणिस्तानात परदेशी ताफ्यावर आत्मघाती हल्ला करण्यात आला असून यामध्ये ११ मुलांचा मृत्यू झाल्याची माहिती मिळत आहे

अफगाणिस्तानात परदेशी ताफ्यावर आत्मघाती हल्ला करण्यात आला असून यामध्ये ११ मुलांचा मृत्यू झाल्याची माहिती मिळत आहे. कंदहार येथे हा हल्ला झाला आहे. अफगाणिस्तानात परदेशी लष्कर ताफ्यावर आत्मघाती हल्ला करण्यात आला असून यामध्ये ११ मुलांचा मृत्यू झाल्याची माहिती मिळत आहे. कंदहार येथे हा हल्ला झाला आहे. स्फोट झाला तेव्हा ही मुलं जवळच उभी होती. एका कारमध्ये हा शक्तिशाली स्फोट झाला. या स्फोटात जवळपास १६ जण जखमी झाले आहेत.

याआधी अफगाणिस्तानची राजधानी काबूल शहर सोमवारी सकाळी सलग दोन स्फोटांनी हादरले. या स्फोटात २५ जण ठार तर ४५ हून अधिक लोक जखमी झाल्याचे वृत्त आहे. पहिला स्फोट शशदारक परिसरात झाला. त्यानंतर दुसरा स्फोट हा त्याच परिसरातील एनडीएस गुप्तचर कार्यालयाजवळ झाला. या स्फोटात एएफपी या वृत्तसंस्थेचे छायाचित्रकार मराई शाह हे ठार झाले आहेत.

टोलो न्यूजने दिलेल्या वृत्तानुसार, दुसऱ्या स्फोटात अनेक पत्रकार जखमी झाल्याचे वृत्त आहे. हे सर्व पत्रकार स्फोटाचे वार्तांकन करण्यासाठी घटनास्थळी उपस्थित होते. सध्यातरी कोणत्याही दहशतवादी संघटनेने हल्ल्याची जबाबदारी घेतलेली नाही. काबूल पोलिसांचे प्रवक्ते दाऊद अमीन यांनी एएफपी या वृत्तसंस्थेशी बोलताना सांगितले की, हल्ल्यात मारले गेलेले आणि जखमी झालेले सर्वसामान्य नागरिक आहेत. गृह मंत्रालयाचे प्रवक्ते नजीब दानिश यांनी हल्ल्याला दुजोरा दिला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2018 3:45 pm

Web Title: suicide attack on foreign convoy killed 11 children in afghanistan
Next Stories
1 कठुआ बलात्कार : भाजपा आमदाराची सीबीआय चौकशीची मागणी; घटनेच्या निषेधार्थ काढला मोर्चा
2 जम्मू काश्मीरच्या मंत्रिमंडळात फेरबदल; काविंदर गुप्ता नवे उपमुख्यमंत्री
3 मला पुन्हा रांचीच्या रूग्णालयात जायचं नाहीये, लालूप्रसाद यांचं एम्सला पत्र
Just Now!
X