15 January 2021

News Flash

दिल्ली हायकोर्टाची रिपब्लिक आणि अर्णब गोस्वामींना नोटीस

आम्ही रिपब्लिकला वृत्तांकन करण्यापासून रोखू शकत नाही

Kopardi rape case : जिल्हा व सत्र न्यायाधीश सुवर्णा केवले यांच्यासमोर या खटल्याची सुनावणी सुरू आहे. गेल्या गुरुवारीच या खटल्याचे अंतिम युक्तिवादाचे कामकाज पूर्ण झाले होते.

सुनंदा पुष्कर मृत्यूप्रकरणात दिल्ली हायकोर्टाने पत्रकार अर्णब गोस्वामी आणि त्यांच्या रिपब्लिक वृत्तवाहिनीला नोटीस बजावली आहे. सुनंदा पुष्कर प्रकरणात खासदाराच्या शांत राहण्याच्या अधिकाराचा सन्मान करा असेही हायकोर्टाने गोस्वामींना सुनावले आहे.

सुनंदा पुष्कर मृत्यूप्रकरणात रिपब्लिक वृत्तवाहिनीवर सुरु असलेल्या वृत्तांकनावरुन शशी थरुर यांनी दिल्ली हायकोर्टात याचिका दाखल केली होती. सुनंदा पुष्कर प्रकरणात चुकीच्या वृत्तांकनावर बंदी टाकण्याची मागणी शशी थरुर यांनी केली होती. या याचिकेवर शुक्रवारी सुनावणी झाली. हायकोर्टाने पुष्कर मृत्यूप्रकरणातील वृत्तांकनावर निर्बंध घातलेले नाही.  मात्र न्यायमूर्ती मनमोहन यांच्या खंडपीठाने अर्णब गोस्वामी आणि रिपब्लिक वृत्तवाहिनीला नोटीस बजावली. २९ मेरोजी झालेल्या सुनावणीत त्यांच्या वकिलांनी बदनामीकारक आणि प्रतिमा मलिन करणारे वृत्त देणार नाही असे आश्वासन दिले होते. मात्र त्यानंतरही बदनामीकारक वृत्त दाखवणे सुरुच आहे याकडे थरुर यांनी न्यायालयाचे लक्ष वेधले. यावर हायकोर्टाने गोस्वामी आणि वृत्तवाहिनीला खडे बोल सुनावले. आम्ही रिपब्लिकला वृत्तांकन करण्यापासून रोखू शकत नाही. पण ते वारंवार शशी थरुर यांचे नाव घेऊ शकत नाही. थरुर यांच्या शांत राहण्याच्या अधिकाराचा तुम्हाला सन्मान करावा लागेल असे हायकोर्टाने सांगितले.

थरुर यांच्यावतीने सलमान खुर्शीद यांनी हायकोर्टासमोर बाजू मांडली. ‘गोस्वामी आणि वृत्तवाहिनीला सुनंदा पुष्कर यांची हत्याऐवजी सुनंदा पुष्कर यांचा मृत्यू हा शब्दप्रयोग करावा’असे निर्देश द्यावेत’ अशी मागणी खुर्शीद यांनी केली. याप्रकरणाची पुढील सुनावणी १६ ऑगस्टरोजी होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 4, 2017 4:46 pm

Web Title: sunanda pushkar case delhi high court issued notice arnab goswami republic tv shashi tharoors plea
Next Stories
1 छापेमारीत सापडलेला पैसा आमचा नाहीच!; डी. शिवकुमार यांच्या बंधूंचा दावा
2 आता पतंजलीही विकणार जीन्स; एप्रिलपासून बाजारात
3 आठ महिन्यात पाकिस्तानकडून २८५ वेळा शस्त्रसंधीचे उल्लंघन: केंद्र सरकार
Just Now!
X