29 October 2020

News Flash

एमबीबीएस प्रवेशासाठी अंध विद्यार्थ्यांची याचिका

गुजरातमधील एका विद्यार्थ्यांने नीट परीक्षा उत्तीर्ण केली आहे.

संग्रहित छायाचित्र

दृष्टिदोष असलेल्या विद्यार्थ्यांला एमबीबीएसच्या अभ्यासक्रमाला प्रवेश घेता येईल का, या याचिकेवर सर्वोच्च न्यायालयाने सुनावणी घेण्याचे ठरविले आहे. या प्रकरणात न्यायालयाने केंद्र आणि गुजरातच्या राज्य सरकारकडे उत्तर मागितले आहे.

गुजरातमधील एका विद्यार्थ्यांने नीट परीक्षा उत्तीर्ण केली आहे. एमबीबीएस अभ्यासक्रमाला त्याला प्रवेश घ्यायचा आहे. यासाठी त्याला अपंगत्वाचे प्रमाणपत्र हवे आहे. मात्र, डॉक्टर होण्यासाठी असे प्रमाणपत्र देण्यास नकार मिळाल्याने या विद्यार्थ्यांने सर्वोच्च न्यायालयामध्ये याचिका दाखल केली आहे. न्यायालयाच्या सुटीकालीन खंडपीठाचे न्यायमूर्ती यू. यू. ललित आणि दीपक मिश्रा यांनी या याचिकेवर सुनावणी घेण्याचा निर्णय घेतला आहे.

सदर विद्यार्थ्यांला दृष्टिदोष आहे. तो नीट पाहू शकत नाही. आणि हे व्यंग बरेही होऊ शकणार नसल्याने या विद्यार्थ्यांला डॉक्टर होण्याच्या अभ्यासक्रमाला प्रवेश घेता येईल का, आणि भविष्यात डॉक्टर बनल्यास तो रुग्णांवर उपचार करू शकेल का, असे प्रश्न न्यायालयाला पडले आहेत. यावर खंडपीठाने केंद्र आणि गुजरात राज्य सरकारला म्हणणे मांडण्यास सांगितले आहे. शिक्षक किंवा कायदे क्षेत्रात अंध विद्यार्थ्यांला जायचे असल्यास तो त्या क्षेत्रात यशस्वीपणे वावरू शकतो. मात्र, वैद्यकीय क्षेत्रासाठी असा व्यक्ती योग्य ठरेल का, याबाबत विचार करावा लागेल, असे न्यायालयाने म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2018 1:37 am

Web Title: supreme court of india mbbs
Next Stories
1 सुवर्ण महोत्सवी वर्षांतच ‘निर्लेप’ची मालकी बजाजकडे!
2 काश्मीरमध्ये दगडफेक करणाऱ्या जमावावर सैन्याचा गोळीबार; तरुणाचा मृत्यू, महिला जखमी
3 मुलीवरील बलात्कार प्रकरणातील आरोपी नराधमाने कोर्टाबाहेरच केली पत्नीची हत्या
Just Now!
X