News Flash

WhatsApp वर सर्वोच्च न्यायालयाला भरवसा नाय! वापर थांबवला!

नव्याने अधिसूचित माहिती तंत्रज्ञान नियमांमुळे घेतला निर्णय

सर्वोच्च न्यायालय यापुढे कोर्टाच्या सुनावणीसाठी व्हिडीओ कॉन्फरन्सच्या लिंक्स शेअर करण्यासाठी व्हॉट्सअ‍ॅप ग्रुप वापरणार नाही. त्याऐवजी संबंधित लिंक्स नोंदणीकृत ईमेल आयडी आणि संबंधित वकिल-ऑन-रेकॉर्ड/पार्टी-इन-व्यक्तीच्या नोंदणीकृत मोबाइल नंबरवर शेअर केल्या जातील.

शनिवारी कोर्टाने जारी केलेल्या परिपत्रकानुसार नव्याने अधिसूचित माहिती तंत्रज्ञान (डिजिटल मीडिया आचारसंहिता मार्गदर्शक तत्त्वे) नियम, २०२१ (आयटी नियम, २०२१) विचारात घेवून हे पाऊल उचलले गेले आहे.

सोशल मीडियाचे नियमन करण्यासाठी सरकारने अधिसूचित केलेल्या आयटी नियमांच्या आधारे वकिलांसमवेत व्हिडिओ कॉन्फरन्सिंग लिंक शेअर करण्यासाठी व्हॉट्सअ‍ॅपचा वापर थांबविणार असल्याचे सर्वोच्च न्यायालयाने म्हटले आहे.

“अ‍ॅडव्होकेट्स-ऑन-रेकॉर्ड / पार्टी-इन पर्सन्सच्या माहितीसाठी अधिसूचित केले गेले आहे की, भारत सरकारतर्फे जारी केलेल्या नवीन मार्गदर्शक सूचनांद्वारे किंवा नियमांमुळे व्हॉट्सअ‍ॅपवर व्हिडीओ कॉन्फरन्सच्या लिंक्स शेअर करण्यासाठी त्यांचे ग्रुप तयार करणे प्रतिबंधित आहे. सोशल मीडिया अ‍ॅप्स आणि ओटीटी प्लॅटफॉर्मशी संबंधित, ” हे परिपत्रक १ मार्च २०२१ पासून प्रभावी होईल.

ऑनलाईन मीडिया पोर्टल आणि प्रकाशक, ओटीटी प्लॅटफॉर्म आणि सोशल मीडिया कामकाजाचे नियमन करण्यासाठी आयटी नियम २०२१ ला २५ फेब्रुवारी रोजी अधिसूचित करण्यात आले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 27, 2021 6:48 pm

Web Title: supreme court to stop using whatsapp for video conferencing links sbi 84
Next Stories
1 सोशल मीडियावर होतेय आता राहुल गांधींच्या ‘अ‍ॅब्स’ची चर्चा
2 सोनिया-राहुल यांना उघडपणे विरोध?; आझाद यांच्या समर्थनार्थ ‘जी-२३’ गटातील काँग्रेस नेते एकवटले
3 मुकेश अंबानी पुन्हा अग्रस्थानी
Just Now!
X