News Flash

रुद्रवार दांपत्याच्या चिमुकलीसाठी सुप्रिया सुळेंचा पुढाकार; ट्वीट करून परराष्ट्र मंत्र्यांना केली मदतीची विनंती!

अमेरिकेत भारतीय दांपत्याचे मृतदेह आढळल्याने खळबळ उडाली आहे

संग्रहीत

अमेरिकेत एका भारतीय दांपत्याचे मृतदेह आढळल्याने खळबळ उडाली आहे. मूळचे बीडच्या अंबाजोगाईमधील असणाऱ्या या दांपत्याची मुलगी बाल्कनीत एकटी उभी राहून रडत असताना शेजाऱ्यांनी पाहिलं असता ही घटना उघडकीस आली. पीटीआयने यासंबंधी वृत्त दिल आहे. अमेरिकेच्या काही प्रसारमाध्यमांनी दिलेल्या वृत्तानुसार, न्यू जर्सीमधील नॉर्थ अर्लिंग्टन येथील अपार्टमेंटमध्ये वास्तव्यास असणाऱ्या दांपत्याचा चाकूने वार झाल्यामुळे मृत्यू झाला आहे. या पार्श्वभूमीवर राष्ट्रवादी काँग्रेसच्या खासदार सुप्रिया सुळे यांनी ट्विट करून, रुद्रवार दांपत्याच्या तीन वर्षीय मुलीच्या मदतीसाठी परराष्ट्रमंत्रालयाकडे मागणी केली आहे.

खासदार सुप्रिया सुळे आपल्या ट्विटमध्ये म्हणतात, “मूळचे बीडचे असलेले बालाजी भारत रूद्रवार हे पत्नी आरती आणि मुलीसोबत न्यू जर्सी येथे राहत होते. बालाजी आणि त्यांची पत्नी आरती हे मृतावस्थेत आढळले आहेत. मी परराष्ट्रमंत्री एस जयशंकरप्रसाद, अमेरिकेतील भारतीय दूतावास आणि परराष्ट्र मंत्रालय’मदत’ यांना विनंती करते की, त्यांनी या प्रकरणात लक्ष घालावं व चौकशी करण्याबाबतच्या सूचना द्याव्यात.”

तसेच, “अशी देखील विनंती करते की, त्यांची तीन वर्षीय मुलगी जी कुणाचीही मदत नसल्याने एकटीच आहे तिला मदत करावी आणि तिला भारतात परत आणण्यासाठी आवश्यक ती व्यवस्था करावी.” असं देखील खासदार सुप्रिया सुळे यांनी ट्विटमध्ये म्हटलं आहे..

बीडच्या दांपत्याचा अमेरिकेत संशयास्पद मृत्यू

बालाजी यांचे वडील भारत रुद्रवार यांनी पीटीआयशी बोलताना दिलेल्या वृत्तानुसार, “माझी नात बाल्कनीत एकटीच रडत असल्याचं पाहून शेजाऱ्यांनी पोलिसांना फोन करुन माहिती दिली. पोलिसांनी घरात प्रवेश करुन पाहिलं असता मृतदेह आढळले”. वैद्यकीय तपासणीत चाकूने भोसकलं असल्याचं समोर आलं असल्याचं रिपोर्टमध्ये आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 9, 2021 6:59 pm

Web Title: supriya sules tweet to help rudrawar couples daughter said msr 87
Next Stories
1 Big F U: मार्टिना नवरातिलोवा म्हणते, “हीच आहे इम्रान खानची लायकी!”
2 Corona Vaccine Shortage: राजस्थानची पण तक्रार, पंतप्रधानांकडे त्वरीत पुरवठ्याची मागणी
3 प्रिन्स फिलिप यांचं वयाच्या ९९व्या वर्षी निधन
Just Now!
X