News Flash

फ्रीजबद्दलची तक्रार आणि सुषमा स्वराज यांचा मदतीस नकार..

वेंकट नावाच्या एका ट्विटरकराकडून कोरिअन कंपनीकडून खरेदी केलेला फ्रीज खराब निघाल्याची तक्रार

सुषमा स्वराज यांनीही या नेटिझनच्या प्रश्नावर त्रागा न करता याप्रकरणात आपण मदत करू शकत नसल्याची प्रांजळ कबुली दिली

देशाचे परराष्ट्र मंत्रालय अतिशय समर्थपणे सांभाळून गेल्या दोन वर्षांत परराष्ट्र मंत्री सुषमा स्वराज यांनी आपले नाणे खणखणीत वाजवून दाखवले आहे. पंतप्रधान नरेंद्र मोदींनी आपल्या मंत्र्यांना सोशल मीडियावर सक्रीय राहण्याचा कानमंत्र दिला आहे. त्यापैकी सुषमा स्वराज या समाजमाध्यमांवर सरकारमधील इतर मंत्र्यापेक्षा अधिक सक्रीय असतात. नेटिझन्सने केलेल्या ट्विटची दखल घेऊन सुषमा स्वराज यांनी गेल्या दोन वर्षांत परराष्ट्र मंत्रालयाच्या अखत्यारित येणारे प्रश्न सोडविले आहेत. पण यावेळी सुषमा स्वराज यांना एका वेगळ्याच प्रश्नाला सामोरे जावे लागले. वेंकट नावाच्या एका ट्विटरकराने कोरिअन कंपनीकडून खरेदी केलेला फ्रीज खराब निघाल्याची तक्रार ट्विटच्या माध्यमातून थेट सुषमा स्वराज आणि केंद्रीय मंत्री रामविलास पासवान यांच्याजवळ केली. मग सुषमा स्वराज यांनीही या नेटिझनच्या प्रश्नावर त्रागा न करता याप्रकरणात आपण मदत करू शकत नसल्याची प्रांजळ कबुली दिली. त्या म्हणाल्या की, “फ्रीजच्या प्रकरणात मी तुमची मदत करू शकत नाही. मी संकटात सापडलेल्या लोकांची मदत करण्यात व्यग्र आहे.”
सुषमा स्वराज यांच्या या उत्तराला नेटिझन्स देखील रिट्विटच्या माध्यमातून पाठिंबा व्यक्त करत आहेत. सुषमा यांच्या उत्तराच्या ट्विटला तब्बल पाच हजार रिट्विट्स मिळाले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 14, 2016 11:48 am

Web Title: sushma swaraj hilariously honest response on twitter to a man who wanted his refrigerator fixed
टॅग : Loksatta,Sushma Swaraj
Next Stories
1 VIDEO : मुजोर मद्यपी वाहनचालक तरुणाची तीन जणांना टक्कर, दोघांचा मृत्यू
2 उत्तर प्रदेशसाठी भाजप दक्ष
3 मातृताऱ्याच्या गतीवर परिणाम करणारा बाहय़ग्रह शोधण्यात यश
Just Now!
X