जम्मू काश्मीरमध्ये पोलीस चेकपोस्टवर दहशतवाद्यांनी गोळीबार करुन पळ काढला आहे. जम्मू-श्रीनगर राष्ट्रीय महामार्गावर झज्जर कोटली येथे हा हल्ला करण्यात आला. हल्ल्यात कोणीही जखमी झालं नसल्याची माहिती पोलिसांनी दिली आहे. दहशतवादी एका ट्रकमधून आले होते. हल्ला केल्यानंतर दहशतवादी उधमपूरच्या दिशेने पळाले. पोलिसांनी पाठलाग करत ट्रक ताब्यात घेतला आहे. ट्रकमधून एक एके रायफल आणि ३ मॅगजिन्स सापडल्या आहेत.

या बातमीसह सर्व प्रीमियम कंटेंट वाचण्यासाठी साइन-इन करा

चेकपोस्टवर तपासणीसाठी ट्रक थांबवला असता अचानक आतमधून गोळीबार सुरु झाला असं पोलीस अधिकारी विवेक गुप्ता यांनी सांगितलं आहे. पोलिसांनी ट्रकचालक आणि क्लीनरला ताब्यात घेतलं आहे. ट्रकमधून दोन ते तीन दहशतवाद्यांना पळ काढला असून त्यांचा शोध घेतला जात आहे. पोलिसांनी परिसराला घेराव घातला असून सर्च ऑपरेशन सुरु केलं आहे.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Suspected terrorist fired on police checkpost in jammu kashmir
First published on: 12-09-2018 at 10:53 IST