News Flash

तालिबानी नेता शाहीनच्या ताब्यात आहेत ‘ते’ सात भारतीय

अफगाणिस्तानातून झालेल्या सात भारतीयांच्या अपहरणामागे तालिबानचा हात असल्याचे स्पष्ट झाले आहे. तालिबानी नेता शाहीन या कटाचा मुख्य सूत्रधार आहे.

अफगाणिस्तानातून झालेल्या सात भारतीयांच्या अपहरणामागे तालिबानचा हात असल्याचे स्पष्ट झाले आहे. तालिबानी नेता शाहीन या कटाचा मुख्य सूत्रधार आहे. पोलीस प्रवक्ते झबीउल्लाह शूजा यांनी इंडिया टुडेशी बोलताना या अपहरणामागे तालिबान असल्याचे सांगितले. अफगाणिस्तानच्या बाघलान प्रांतातून रविवारी सशस्त्र दहशतवाद्यांनी सात भारतीय आणि एका अफगाण ड्रायव्हरचे अपहरण केले. अपहरण झालेले सर्वजण केईसी या भारतीय ऊर्ज कंपनीचे कर्मचारी असून या कंपनीचा बाघलान प्रांतामध्ये प्रकल्प सुरु आहे.

अपहरणकर्त्यांशी आमचा अद्याप थेट संपर्क प्रस्थापित झालेला नसून स्थानिक नेत्यांच्या माध्यमातून आम्ही संर्पक साधण्याचा प्रयत्न करत आहोत. आम्हाला मिळालेल्या माहितीनुसार तालिबानच्या ताब्यात असलेले भारतीय कर्मचारी सुरक्षित आणि व्यवस्थित आहेत असे झबीउल्लाह यांनी सांगितले.

ज्या भागातून भारतीयांचे अपहरण करण्यात आले तिथे तालिबान्यांचे बऱ्यापैकी वर्चस्व आहे. तो संपूर्ण भाग शाहीनच्या नियंत्रणाखाली आहे असे झबीउल्लाह यांनी सांगितले. परराष्ट्र मंत्रालयाने या प्रकरणाची गंभीर दखल घेतली असून आम्हालाही आमच्या कर्मचाऱ्यांची चिंता आहे. आमच्या कर्मचाऱ्यांच्या सुरक्षिततेसाठी आणि प्रकरणाची संवेदनशीलता लक्षात घेऊन यावर जास्त काही बोलणार नाही. कर्मचारी सुरक्षित परत यावेत यासाठी आम्ही सर्व प्रयत्न करत आहोत असे केईसी इंटरनॅशनले एमडी आणि सीईओ विमल केजरीवाल यांनी सांगितले.

अफगाणिस्तानमध्ये रविवारी सकाळच्या सुमारास बाघलान प्रांतातून काही अज्ञात बंदुकधाऱ्यांनी एका भारतीय कंपनीच्या सात कर्मचाऱ्यांचे अपहरण केले. बाघलान प्रांताची राजधानी पुल-ए-खोमरेमधील बाग-ए-शामल गावातून या कर्मचाऱ्यांचे अपहरण करण्यात आले . स्थानिक अधिकाऱ्यांनी दिलेल्या माहितीनुसार, हे कर्मचारी प्रवासात असताना ही घटना घडली. या परिसरात भारतीय कंपनीला वीज उपकेंद्राचे काम मिळालेले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 7, 2018 12:23 pm

Web Title: taliban behind the abduction of indians in afganistan
टॅग : Taliban
Next Stories
1 हेडफोन लावून झोपणं पडलं महागात, करंट लागून महिलेचा मृत्यू
2 माजी मुख्यमंत्री सरकारी बंगल्यात राहू शकत नाहीत, सर्वोच्च न्यायालयाने रद्द केला उत्तर प्रदेश सरकारचा कायदा
3 विमानात एअर होस्टेससोबत छेडछाड, एअर इंडियाच्या पायलटवर आरोप
Just Now!
X