अफगाणिस्तानमधील तालिबानी या दहशतवादी संघटनेचा नेता मुल्लाह अख्तर मन्सूर हा अमेरिकेकडून करण्यात आलेल्या हवाई हल्ल्यात ठार झाला आहे. तालिबान दहशतवाद्यांना लक्ष्य करूनच अमेरिकन लष्कराने ही मोहीम सुरू केली होती. त्यात त्यांना यश आले आहे. अमेरिकेच्या संरक्षण मंत्रालयातील एका अधिकाऱ्याने दिलेल्या माहितीनुसार, अफगाणिस्तान-पाकिस्तान सीमेवर अमेरिकेकडून शनिवारी पहाटे करण्यात आलेल्या हवाई हल्ल्यात मुल्लाह मन्सूर ठार झाला. मन्सूर याच्यासोबत अन्य एक जणही मारला गेला आहे. मुल्लाह मन्सूर हा अफगाणिस्तानमध्ये हल्ले घडवून आणण्यात सक्रीय होता. अमेरिकेच्या हल्ल्यात गेल्या वर्षी आफगाण तालिबानचा नेता मुल्ला मोहम्मद ओमर ठार झाला होता. ओमरनंतर तालिबानची सुत्रे मुल्ला अख्तर मन्सूर सांभाळत होता. मन्सूनने ओमरचा सहाय्यक म्हणूनही काम केले होते.