मोटार निर्मिती क्षेत्रात सुप्रसिद्ध टाटा मोटार्स लिमिटेडचे भारतातील व्यवस्थापकीय संचालक कार्ल स्लिम यांचा बँकॉकमधील एका हॉटेलमध्ये संशयास्पद मृत्यू झाला असल्याची माहिती समोर आली आहे. कंपनीच्या प्रवक्त्यांनी दिलेल्या माहितीनुसार, हॉटेलच्या जिन्यांवरून घसरून पडल्यामुळे कार्ल स्लिम यांचा मृत्यू झालाचे प्रथम दर्शनी दिसत आहे. शवविच्छेदनाच्या अहवालानंतर सविस्तर माहिती आणि मृत्यूचे कारण समजेल.५१ वर्षीय कार्ल स्लिम हे थायलंड येथील एका महत्वाच्या बैठकीसाठी बँकॉकला गेले होते. रविवारी संध्याकाळपर्यंत ते भारतात परतणार होते. पोलिस अधिकाऱयांनी दिलेल्या माहितीनुसार, त्यांनी आत्महत्या केल्याचा संशय आहे. त्यांचा मृत्यू होण्यापूर्वी त्यांनी लिहिलेली तीन पानेही मिळाली आहेत. पुढील तपासात सर्वकाही स्पष्ट होईल.
