पक्षांतर करून सत्ताधारी तेलंगण राष्ट्र समितीचे सदस्य झालेल्या तेलगु देशमच्या १२ आमदारांना मान्यता देण्याच्या तेलंगणा विधानसभा अध्यक्षांच्या निर्णयाला आपण आव्हान देणार असल्याचे तेलगु देशम पक्षाने म्हटले आहे. हे घटनेचे उल्लंघन असून आम्ही त्याविरुद्ध न्यायालयात लढा देऊ, असे तेलगु देशमचे तेलंगणा प्रदेशाध्यक्ष एल. रामण्णा यांनी एका निवेदनात सांगितले.दरम्यान, या बारापैकी एम. गोपीनाथ व ए. गांधी या दोन आमदारांनी शनिवारी अधिकृतरीत्या टीआरएसमध्ये प्रवेश केला. तेलगु देशमचे विधानसभेतील संख्याबळ १५ वरून तीनवर आले.
