25 September 2020

News Flash

सभा न घेण्यासाठी काँग्रेसकडून २५ लाखांची ऑफर: ओवेसी

काँग्रेस दुसऱ्या पक्षात फोडाफोडीचा प्रयत्न करत आहे. अशा पक्षाकडून तुम्हीकडून काय अपेक्षा ठेवणार, असा सवाल त्यांनी विचारला.

(संग्रहित छायचित्र)

तेलंगणमधील निर्मल या मतदरासंघात प्रचार सभा घेऊ नये, यासाठी काँग्रेसकडून मला २५ लाख रुपयांची ऑफर देण्यात आली होती, असा धक्कादायक गौप्यस्फोट एमआयएमचे खासदार असदुद्दीन ओवेसी यांनी केला आहे. मला कोणीही विकत घेऊ शकत नाही, असेही त्यांनी म्हटले आहे.

तेलंगणात विधानसभा निवडणुकीच्या पार्श्वभूमीवर राजकीय वातावरण तापले असून राजकीय पक्षांमध्ये आरोप-प्रत्यारोप सुरु झाले आहेत. तेलंगणातील ११९ जागांसाठी ७ डिसेंबर रोजी मतदान होणार आहे. एमआयएमचे खासदार असदुद्दीन ओवेसी यांनी सोमवारी निर्मल येथे प्रचारसभा घेतली. या प्रचारसभेत त्यांनी काँग्रेसवर गंभीर आरोप केले.

निर्मल विधानसभा मतदारसंघात एमआयएमने उमेदवार दिलेला नाही. या मतदारसंघात एमआयएमने तेलंगण राष्ट्र समितीच्या उमेदवाराला पाठिंबा दिला आहे. या उमेदवाराच्या समर्थनार्थ ओवेसी यांनी सोमवारी सभा घेतली. ‘मी या मतदारसंघात सभा घेऊ नये यासाठी काँग्रेसने मला २५ लाख रुपयांची ऑफर दिली होती. माझ्याकडे याचा पुरावा म्हणून फोन रेकॉर्डिंगही उपलब्ध आहे’, असा दावा त्यांनी केला. काँग्रेसच्या या कृत्यावर तुम्ही काय म्हणाल. मला कोणीही खरेदी करु शकत नाही. काँग्रेस दुसऱ्या पक्षात फोडाफोडीचा प्रयत्न करत आहे. अशा पक्षाकडून तुम्हीकडून काय अपेक्षा ठेवणार, असा सवाल त्यांनी विचारला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 20, 2018 12:45 pm

Web Title: telangana congress offered me rs 25 lakhs to cancel my rally nirmal says aimim asaduddin owaisi
Next Stories
1 भारतात मलेरियाच्या आजारात घट; WHOच्या अहवालातील माहिती
2 जम्मू- काश्मीरमध्ये हुर्रियत नेत्याची हत्या
3 अंतराळातून असा दिसतो ‘स्टॅच्यू ऑफ युनिटी’
Just Now!
X