27 October 2020

News Flash

पुलवामात पुन्हा पोलीस पार्टीवर दहशतवादी हल्ला, एक पोलीस शहीद

हल्लेखोर दहशतवादी पोलिसांच्या दोन रायफली घेऊन फरार झाले आहेत. या हल्ल्यानंतर सुरक्षा रक्षकांनी संपूर्ण परिसराची नाकाबंदी करीत शोध मोहिम सुरु केली आहे.

पुलवामा : दहशतवाद्यांनी पोलीस पार्टीवर हल्ला केला. पोलीस या वाहनातून निघाले होते.

जम्मू-काश्मीरच्या पुलवामा जिल्ह्यात दहशतवाद्यांनी एका पोलीस पार्टीवर केलेल्या हल्ल्यात एक पोलीस कर्मचारी शहीद झाला असून एक जण गंभीर जखमी झाला आहे. जखमी पोलिसाला रुग्णालयात दाखल करण्यात आले आहे. दरम्यान, हल्लेखोर दहशतवादी पोलिसांच्या दोन रायफली घेऊन फरार झाले आहेत. या हल्ल्यानंतर सुरक्षा रक्षकांनी संपूर्ण परिसराची नाकाबंदी करीत शोध मोहिम सुरु केली आहे. नॅशनल कॉन्फरन्सचे नेते गुलाम मोईनुद्दीन यांच्या घराजवळ मोरन चौकात हा हल्ला झाला.


या हल्ल्यामध्ये दोन पोलीस अधिकारी गंभीररित्या जखमी झाले आहेत. यांपैकी एकाला तातडीने रुग्णालयात हलवण्यात आले. शहीद झालेल्या पोलीस कर्मचाऱ्याचे नाव मुद्दसर अहमद असे आहे. तर जखमी पोलीस नाझीर अहमद यांना श्रीनगर रुग्णालयात पुढील उपचारांसाठी पाठवण्यात आले आहे. काश्मीर रिडरने याबाबत वृत्त दिले आहे. हल्ल्यानंतर दहशतवाद्यांनी पोलिस अधिकाऱ्यांच्या दोन रायफल घेऊन पळ काढला. या हल्ल्याला पुलवामाचे पोलीस अधीक्षक मोहम्मद अस्लम चौधरी यांनी दुजोरा दिला आहे.

दरम्यान, ६ जुलै रोजी पुलवामात दहशतवाद्यांनी तीन वेगवेगळ्या घटनांमध्ये पोलीस, लष्कर आणि सुरक्षारक्षकांना निशाणा बनवले होते. तसेच यापूर्वी काश्मीर रायफलचा जवान औरंगजेब आणि आता जम्मू काश्मीर पोलीस कॉन्स्टेबल जावेद अहमद यांना दहशतवाद्यांनी निशाणा बनवले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 16, 2018 8:54 pm

Web Title: terrorist attack on police post in pulwama one police martyr
Next Stories
1 धोकदायक मिशन! एका रात्रीत मोसादने चोरली इराणच्या अण्वस्त्र प्रकल्पाची ५० हजार पाने
2 ‘हिंदू पाकिस्तान’ वादप्रकरणी भाजपाकडून जिवे मारण्याची धमकी-थरूर
3 ‘डान्सिंग अंकल’च्या मेहुण्यावर भर रस्त्यात झाडल्या गोळ्या
Just Now!
X