News Flash

ओबामांच्या भारत दौऱयावेळी दहशतवादी हल्ल्यांची शक्यता

प्रजासत्ताक दिनी २६ जानेवारीला नवी दिल्लीतील राजपथावर होणाऱया संचलनामध्ये ओबामा विशेष अतिथी म्हणून सहभागी होणार आहेत.

| January 15, 2015 12:41 pm

प्रजासत्ताक दिनी अमेरिकेचे अध्यक्ष बराक ओबामा भारतात दौऱयावर असल्यामुळे दहशतवादी यावेळी शाळा, लष्करी गाड्या आणि शहरातील गजबजलेली ठिकाणांवर हल्ले करून आपलं अस्तित्त्व दाखवून देण्याची शक्यता असल्याचे लष्कराचे लेफ्टनंट जनरल के. एच. सिंग यांनी म्हटले आहे.
पंतप्रधान नरेंद्र मोदी यांच्या निमंत्रणावरून बराक ओबामा पत्नी मिशेलसह या महिन्यात भारत दौऱयावर येत आहेत. २५ ते २७ जानेवारी या काळात ओबामा भारतात वास्तव्याला असणार आहेत. प्रजासत्ताक दिनी २६ जानेवारीला नवी दिल्लीतील राजपथावर होणाऱया संचलनामध्ये ओबामा विशेष अतिथी म्हणून सहभागी होणार आहेत. त्या पार्श्वभूमीवर देशात दहशतवादी कारवाया होण्याची शक्यता सिंग यांनी वर्तविली. त्यातही जम्मू-काश्मीरमध्ये दहशतवादी हल्ले होण्याची शक्यता अधिक असल्याचे त्यांनी स्पष्ट केले.
दहशतवाद्यांच्या कोणत्याही कृतीला उत्तर द्यायला भारतीय लष्कर संपूर्णपणे तयार असल्याचेही त्यांनी सांगितले. ते म्हणाले, पाकिस्तानी लष्कर, आयएसआय आणि दहशतवादी हे भारतात दहशतवादी हल्ले घडवून आणण्यासाठी परस्परांशी समन्वय राखून आहेत. भारतात दहशतवादी हल्ले करण्यासाठी तेहरिक ए तालिबान लष्करे तैय्यबाला मदत करण्याची शक्यताही नाकारता येणार नाही, असेही सिंग म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 15, 2015 12:41 pm

Web Title: terrorists can attack soft targets during barack obamas r day visit
टॅग : Terrorism
Next Stories
1 कतरिना कैफ राष्ट्रपती व्हायला पाहिजे! – मार्कंडेय काटजू
2 नक्वी यांना वर्षभराचा तुरुंगवास
3 हल्ल्याच्या भीतीने ऑक्सफर्डकडून विशिष्ट शब्दांच्या उल्लेखावर बंदी?
Just Now!
X