News Flash

देशाच्या जनतेने पाहिला डोळ्यांचा खेळ, राहुल गांधींना पंतप्रधान नरेंद्र मोदींचा टोला

काँग्रेस अध्यक्ष यांनी डोळा मारला त्याचा आणि त्यांनी गळाभेट घेतल्याचा पंतप्रधान नरेंद्र मोदी यांनी घेतला समाचार

न्यायालयाने विद्यमान केंद्र सरकारचे ९० टक्के दावे फेटाळले असून हा मोदी सरकारला मोठा झटका असल्याचे अभिषेक सिंघवी यांनी म्हटले आहे.

केंद्र सरकारविरोधात अविश्वास ठराव आणला गेला आणि त्यानंतर लोकसभेत त्यावर चर्चा सुरू झाली. या चर्चेत काँग्रेस अध्यक्ष राहुल गांधी यांनी पंतप्रधान नरेंद्र मोदी यांच्या विरोधात आक्रमक भाषण केले आणि आपली भूमिका मांडून झाल्यावर पंतप्रधान नरेंद्र मोदी यांची गळाभेटही घेतली. राहुल गांधी यांनी केलेल्या भाषणाएवढीच त्यांची गळाभेट हा आज दिवसभर चर्चेचा विषय ठरली. पंतप्रधा नरेंद्र मोदी यांनी राहुल गांधी यांच्या या गळाभेटीची आणि त्यांच्या डोळे मिचकवण्याची आपल्या भाषणात खिल्ली उडवली.

आज टीव्हीवर सगळ्या देशाने डोळ्यांचा खेळ पाहिला, कधी डोळे मारले जात होते तर कधी उघडले जात होते असा टोला पंतप्रधान नरेंद्र मोदी यांनी राहुल गांधी यांना लगावला. आपल्या भाषणात त्यांनी विरोधकांचे सगळे आरोप फेटाळून लावत अविश्वास ठरावच रद्द करावा अशी मागणी केली. विरोधक गदारोळ करत होते आणि त्याच गदारोळात पंतप्रधान नरेंद्र मोदी यांनी त्यांचे भाषण केले. रोजगाराचा प्रश्न, जीएसटी, नोटाबंदी आणि विकास या सगळ्याच मुद्द्यांवर विरोधकांनी मोदी सरकारला धारेवर धरले. या सरकारला जनतेशी काहीही देणेघेणे नाही अशीही टीका राहुल गांधींसह प्रमुख विरोधी पक्षाच्या खासदारांनी केली. मात्र हे सगळे आरोप खोडून काढत पंतप्रधान नरेंद्र मोदी यांनी आपले म्हणणे मांडले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 20, 2018 11:23 pm

Web Title: the entire country saw what the eyes did today it is clear in front of everyone
Next Stories
1 #RahulHugsModi: राहुल-मोदी गळाभेटीबद्दल बोलताना राज ठाकरे म्हणतात…
2 पंतप्रधान नरेंद्र मोदी लोकसभेत बोलत असताना विरोधकांचा गोंधळ
3 ही सरकारची नाही, विरोधकांचीच परीक्षा – पंतप्रधान मोदी
Just Now!
X