14 August 2020

News Flash

एका दिवसात आढळले ५४,७७१ नवे करोनाबाधित; ‘या’ देशाचा झाला नकोसा विक्रम

मृतांच्या संख्येतही झाली वाढ

सध्या जगभरात करोनाबाधितांची संख्या मोठ्या प्रमाणात वाढत आहे. अशा परिस्थितीत अमेरिकेला सर्वाधिक हानी झाली आहे. तर दुसरीकडे ब्राझिलमध्येही करोनाग्रस्तांची संख्या मोठ्या प्रमाणात वाढत असून ती आता १० लाखांच्या वर गेली आहे. ब्राझिलमध्ये गेल्या २४ तासांमध्ये सर्वाधिक म्हणजेच ५४ हजार ७७१ नवे करोनाबाधित सापडले. तसंच २४ तासांत १ हजार २०६ जणांचा मृत्यू झाल्याची माहितीही समोर आली आहे. दरम्यान, ब्राझिलमध्ये आतापर्यंत ४८ हजार ९५४ जणांना मृत्यू झाला आहे.

ब्राझिलमध्ये करोना व्हायरसचा प्रादुर्भाव झपाट्यानं वाढत असल्याचं दिसत आहे. तसंच अमेरिकेतही करोनाबाधितांची संख्या अधिक आहे. अमेरिकेत करोनाबाधितांची संख्या २२ लाखांवर गेली आहे. तर रशियातही करोनाबाधितांची संख्या ५ लाख ६९ हजार ६३ वर पोहोचली आहे. तर रशियातही मृतांची संख्या ७ हजार ८४१ वर पोहोचली आहे. तर दुसरीकडे भारतातही मोठ्या प्रमाणात करोनाबाधितांची संख्या वाढत आहे. ब्रिटनमध्येही करोनाबाधितांची संख्या ३ लाखांवर गेली आहे.

भारतात सर्वाधिक नव्या रूग्णांची नोंद

भारतात शुक्रवारी सर्वाधिक नव्या करोनाबाधित रुग्णांची नोंद करण्यात आली. शुक्रवारी भारतात १४ हजार ५१४ नव्या करोनाबाधितांची नोंद करण्यात आली. तर यादरम्यान ३७५ जणांचा मृत्यू झाल्याची माहिती समोर आली आहे. दरम्यान, भारतातील एकूण करोनाबाधितांची संख्या ३ लाख ९५ हजार ०४८ वर पोहोचली आहे. तर यापैकी सध्या १ लाख ६८ हजार २६९ अॅक्टिव्ह केसेस आहे. आतापर्यंत २ लाख १३ हजार ८३१ जणांनी करोनावर मात केली असून मृतांची एकूण संख्याही १२ हजार ९४८ झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 20, 2020 10:00 am

Web Title: the health ministry of brazil on friday reported 54771 new cases a record daily spike jud 87
Next Stories
1 मागील २४ तासांत देशात करोना रुग्णसंख्येचा उच्चांक; ३७५ जणांचा मृत्यू
2 “जर जमीन चीनची होती, तर आपल्या जवानांना का मारण्यात आलं?”; राहुल गांधींकडून पंतप्रधानांची ‘प्रश्न’कोंडी
3 सलग चौदाव्या दिवशी पेट्रोल-डिझेलची दर वाढ कायम
Just Now!
X