News Flash

coronavirus : ३१ मार्चपर्यंत शाळा-कॉलेजसना सुट्टी, थिएटर्सही बंद, मुख्यमंत्र्यांची घोषणा

असाच निर्णय दोन दिवसांपूर्वी केरळ सरकारनेही घेतला आहे.

नवी दिल्ली : करोना विषाणूचा फैलाव वाढत असल्याने चित्रपटगृहं बंद ठेवण्याचा निर्णय दिल्ली सरकारने घेतला आहे.

करोना विषाणूचा फैलाव भारतात वाढत असून दिल्लीतही रुग्णांची संख्या वाढत आहे. यापार्श्वभूमीवर दिल्लीचे मुख्यमंत्री अरविंद केजरीवाल यांनी दिल्लीकरांच्या सुरक्षेसाठी मोठा निर्णय घेतला आहे. त्यानुसार, दिल्लीतील चित्रपटगृहं तसेच शाळा-कॉलेजेस ३१ मार्चपर्यंत बंद राहणार आहेत. दिल्लीत आजवर पाच करोना बाधित रुग्ण आढळून आले आहेत.

माध्यमांशी बोलताना केजरीवाल म्हणाले, “करोनाचा वाढता धोका पाहता दिल्लीतील सर्व चित्रपटगृहे ३१ मार्चपर्यंत बंद ठेवण्यात येतील. तसेच ज्या शाळा आणि कॉलेजेसमध्ये विद्यार्थ्यांच्या परीक्षा सुरु आहेत ती सोडून इतर सर्व शैक्षणिक संस्था ३१ मार्चपर्यंत बंद राहतील.”

करोनाचा धसका : ३१ मार्चपर्यंत सिनेमागृह राहणार बंद

दरम्यान, असाच निर्णय दोन दिवसांपूर्वी केरळ सरकारनेही घेतला आहे. सार्वजनिक कार्यक्रमांसह चित्रपटगृह बंद ठेवण्याचा निर्णय घेण्यात आला. कारण, केरळमध्ये करोना विषाणाच्या संसर्गाचे आणखी ६ संशयित आढळले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 12, 2020 5:47 pm

Web Title: theaters will remain closed till march 31 cm kejriwal announces backdrop of corona virus aau 85
Next Stories
1 दुर्दैवी, अपघाताचा वाद सोडवायला गेला आणि अपघातातच ‘गेला’
2 coronavirus ची दहशत; ब्रिटिश राजघराणंही म्हणतं हस्तांदोलनापेक्षा भारतीय नमस्तेच बरा
3 इराणमध्ये अडकलेल्या भारतीयांना सोडवण्याची योजना तयार; ‘या’ दिवशी विमानं करणार उड्डाणं
Just Now!
X