News Flash

भारतात ‘असंवेदनशीलता’ आहे; काही मुद्द्यांवर लोक ‘अतिसंवेदनशील’ होतात- काजोल

सार्वजनिक जीवनात वावरताना योग्य आणि बौद्धिकतेला साजेसे असे बोलणे हे आपले कर्तव्य आहे

बॉलिवूड अभिनेत्री काजोल

सध्याच्या घडीला भारतात काही प्रमाणात असंवेदनशीलता अस्तित्त्वात आहे. काही मुद्द्यांवर लोक अतिसंवेदनशील पद्धतीने व्यक्त होत असल्याचे मत बॉलीवूड अभिनेत्री काजोल हिने व्यक्त केले. जयपूर येथे सुरू असलेल्या साहित्य संमेलनादरम्यान शनिवारी काजोलने हे वक्तव्य केले. मला असे वाटते की, भारतात काही प्रमाणात असंवेदनशीलता आहे. आपण काही मुद्द्यांवर अतिसंवेदनशीलपणे व्यक्त होत आहोत. एखाद्या वक्तव्यातील शब्दांचे मुल्यमापन झाले पाहिजे आणि ते वक्तव्य कशासंदर्भात आहे, हे बघणे गरजेचे आहे. सार्वजनिक जीवनात वावरताना योग्य आणि बौद्धिकतेला साजेसे असे बोलणे हे आपले कर्तव्य असल्याचे काजोलने यावेळी सांगितले. काही दिवसांपूर्वीच बॉलीवूडमधील निर्मात-दिग्दर्शक करण जोहर याने भारतात अभिव्यक्तीस्वातंत्र्यावर बंधने असल्याचे म्हटले होते. एखादे मत व्यक्त करताना तुमच्या डोक्यावर सतत कायदेशीर तलवार टांगती असल्याचे त्यांने सांगितले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 23, 2016 6:30 pm

Web Title: there is certain insensitivity in india kajol
टॅग : Bollywood,Kajol
Next Stories
1 नेताजी सुभाषचंद्र बोस यांच्यासंदर्भातील १०० गोपनीय फाईल्स सार्वजनिक
2 मोदी सरकारकडून अभिव्यक्ती स्वातंत्र्याला मर्यादा
3 औरंगाबादमधून आयसिसच्या कमांडरला अटक; उत्तर प्रदेशातूनही एकजण अटकेत
Just Now!
X