भारतीय सेनेने राजस्थानातील पोखरण फायरींग रेंजवर स्वदेशी बनावटीच्या तिसऱ्या पिढीतील एंटी - टँक गाइडेड मिसाइल (एटीजीएम) 'नाग' चे परीक्षण यशस्वीरित्या पुर्ण केले. याबद्दल संरक्षण मंत्री राजनाथ सिंह यांनी संरक्षण संशोधन आणि विकास संघटना (डीआरडीओ) चे कौतुक केले आहे. हे परीक्षण ७ ते १८ जुलै दरम्यान करण्यात आले. नाग ही तिसऱ्या पिढीची रणगाडाविरोधी क्षेपणास्त्र यंत्रणा आहे. #WATCH: NAG, the DRDO’s indigenously developed 3rd Generation Anti-Tank Guided Missile (ATGM) has successfully undergone a series of summer trials at Pokhran field firing ranges carried out by the Indian Army from 7-18 July 2019. pic.twitter.com/YITIjKnIhA — ANI (@ANI) July 19, 2019 या क्षेपणास्त्राची निर्मितीचे कार्य या वर्षाच्या अखेरपर्यंत सुरू होईल. आतापर्यंत याची चाचणी सुरू होती. २०१८ मध्ये या क्षेपणास्त्राची हिवाळी चाचणी घेण्यात आली होती. भारतीय सेना ८ हजार नाग क्षेपणास्त्रांची खरेदी करू शकते, ज्यापैकी सुरूवातीस ५०० क्षेपणास्त्रांची ऑर्डर दिली जाण्याची शक्यता आहे. या क्षेपणास्त्राची निर्मिती भारतात क्षेपणास्त्र तयार करणारी एकमेव सरकारी कंपनी भारत डायनामिक्स लिमिटेड करणार आहे.