29 May 2020

News Flash

सोनं महागलं! यंदा सर्वात महागडी अक्षय्य तृतीया ?

साडेतीन मुहूर्तांपैकी एक  मुहूर्त असलेल्या अक्षय्य तृतीयेला ज्या लोकांनी सोनं खरेदी करण्याचा प्लॅन केला असेल त्यांचा हिरमोड...

(संग्रहित छायाचित्र)

साडेतीन मुहूर्तांपैकी एक  मुहूर्त असलेल्या अक्षय्य तृतीयेला ज्या लोकांनी सोनं खरेदी करण्याचा प्लॅन केला असेल त्यांचा हिरमोड होण्याची शक्यता आहे. अमेरिकेने सीरियावर केलेल्या हवाई हल्ल्यानंतर पश्चिम आशियाखंडात तणाव निर्माण झालाय, आणि त्याचा परिणाम सोन्या-चांदीवर होऊ शकतो. सोन्याचा भाव फक्त भारतात वाढलेला नाही. तर जगभरात सोन्याचा भाव वाढला आहे. न्यूयॉर्कमध्ये शुक्रवारी सोन्याच्या भावात मोठी वाढ झाली. तसंच चांदीचाही भाव वाढला.

इकॉनॉमिक टाइम्सने दिलेल्या वृत्तानुसार, अहमदाबाद येथे शनिवारी सोन्याचा भाव तोळ्याला ३२, ३०० रुपये इतका होता. विशेष म्हणजे गेल्या कित्येक वर्षातील अक्षय्य तृतीयेचा सोन्याचा हा सर्वाधिक भाव आहे. कारण गेल्या काही वर्षात अक्षय्य तृतीयेला सोन्याचा भाव ३० हजार रुपये प्रति तोळा (१० ग्रॅम)च्या वर कधी गेला नव्हता. दुसरीकडे, चांदीचा भावही ४० हजार प्रतिकिलो झाला आहे.

त्यामुळे, अक्षय्य तृतीयेचा मुहूर्त साधत सोने खरेदी करण्याचा विचार करणा-यांचा हिरमोड होण्याची शक्यता आहे.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 15, 2018 4:08 pm

Web Title: this could be costliest akshaya tritiya 2018 cas gold rates increase
Next Stories
1 Video : तिचं अस्खलित इंग्रजी ऐकून ब्रिटिशही लाजतील
2 राणीच्या हातातली ती पर्स आणि ब्रिटन राजघराण्यातले काही अजब नियम
3 शिकण्याला वय नसतं! ७३ वर्षांचा ‘तरुण’ विद्यार्थी पाचवीत
Just Now!
X