07 April 2020

News Flash

३० हजाराचा पिझ्झा खाणाऱ्यांना १२ हजार रुपये पगाराची नोकरी दिसत नाही – गिरीराज सिंह

जे ३० हजार रुपयांचा पिझ्झा खातात त्यांना १२ हजार रुपये पगाराची नोकरी दिसत नाही असे गिरीराज सिंह म्हणाले. आपल्या मंत्रालयाने चार कोटी नोकऱ्यांची निर्मिती केल्याचाही

केंद्रीय मंत्री गिरिराज सिंह

वादग्रस्त वक्तव्यांसाठी ओळखले जाणारे केंद्रीय राज्यमंत्री गिरीराज सिंह यांनी काँग्रेस अध्यक्ष राहुल गांधी यांना जोरदार टोला लगावला आहे. जे ३० हजार रुपयांचा पिझ्झा खातात त्यांना १२ हजार रुपये पगाराची नोकरी दिसत नाही असे गिरीराज सिंह म्हणाले. आपल्या मंत्रालयाने चार कोटी नोकऱ्यांची निर्मिती केल्याचाही त्यांनी दावा केला. ज्यांना दिसत नाही त्यांना नोकऱ्यांची निर्मिती कशी केली जाते हे मला दाखवायचे आहे. ज्यांनी कधी गरीबी बघितली नाही ते गरीबीबद्दल जाणून घेण्यासाठी रात्रीच्या अंधारात कलावतीच्या घरी जातात असे गिरीराज सिंह म्हणाले. त्यांचा स्पष्ट इशारा काँग्रेस अध्यक्ष राहुल गांधींकडे होता.

आम्ही चार कोटी लोकांना नोकऱ्या दिल्या, हा भाग वेगळा कि, यातल्या ७० टक्के नोकऱ्या या १२ हजारापेक्षा कमी पगाराच्या आहेत. कौशल्याच्या बळावर जगाचा विकास होतो. आपल्या देशात पंतप्रधान नरेंद्र मोदी पहिल्यांदा कौशल्य प्रशिक्षण कार्यक्रमाबद्दल बोलले असे गिरीराज सिंह म्हणाले. जे ३० हजार रुपयांचा पिझ्झा खातात त्यांना १२ हजार रुपये पगाराच्या नोकऱ्या दिसणार नाहीत. त्यांना फक्त पकोडे दिसतात रोजगार नाही असे गिरीराज म्हणाले.

मुद्रा योजनेतंर्गत उद्योगासाठी कर्ज देण्याबरोबर आपल्या मंत्रालयाने १० कोटी रोजगार निर्मिती केली असा दावा गिरीराज सिंह यांनी केला. काँग्रेसप्रणीत संयुक्त पुरोगामी आघाडी सरकारच्या काळात २०१० ते २०१४ दरम्यान ११ लाख उद्योजक तयार झाले असतील तर आम्ही १६ लाख उद्योजक तयार केले असे गिरीराज सिंह म्हणाले. केव्हीआयसीच्या कार्यक्रमात बोलताना गिरीराज सिंह यांनी ही विधाने केली.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 27, 2018 11:56 am

Web Title: those who eat rs 30000 pizza cant see 12000 job giriraj singh
Next Stories
1 अमरनाथ यात्रेकरु आमचे पाहुणे, नाही होणार कोणता हल्ला : हिज्बुल मुजाहीद्दीन
2 मेजर हांडाने आधी फेसबुकवर शैलजाचा फोटो पाहिला नंतर नवऱ्याशी केली मैत्री
3 इंडिगोच्या वैमानिकाला विमान हवेत असतानाच आला हार्ट अटॅक
Just Now!
X