News Flash

गाय मारणाऱ्याला ठार करणेच योग्य! संघाच्या मुखपत्रात ‘दादरी’चे उदात्तीकरण

गोहत्या करणारा हा पापी असतो म्हणून त्याला ठार करा, असा आदेश वेदांमध्ये दिला आहे, असा दाखला मुखपत्रातील मुख्य लेखात दिला आहे.

दादरी येथील अखलाक याने कदाचित कुकर्मातूनच गायीची हत्या केली असावी, त्यामुळेच त्याला त्याचे प्रायश्चित्त मिळाले.

गोमांस भक्षणावरून दादरी येथे एकाची ठेचून हत्या केल्याच्या निषेधार्थ पुरस्कार परत करणाऱ्या लेखकांवर राष्ट्रीय स्वयंसेवक संघाने आपल्या ‘पांचजन्य’ या मुखपत्रातून टीकेची तोफ डागली आहे. गोहत्या करणारा हा पापी असतो म्हणून त्याला ठार करा, असा आदेश वेदांमध्ये दिला आहे, असा दाखला मुखपत्रातील मुख्य लेखात दिला आहे.

देशातील तमाम मदरशांमध्ये अध्यापन करणारे मौलवी हे तेथील विद्यार्थ्यांमध्ये भारतीय संस्कृतीविषयी द्वेषभावना निर्माण होईल, याचीच शिकवण देतात. दादरी येथील अखलाक याने कदाचित कुकर्मातूनच गायीची हत्या केली असावी, त्यामुळेच त्याला त्याचे प्रायश्चित्त मिळाले. या घटनेवर लेखकांनी मौन का बाळगले, असा सवालही यात करण्यात आला आहे. ‘इस उत्पात के उस पार’ या हिंदी लेखक तुफैल चतुर्वेदी यांनी लिहिलेल्या लेखात वेदांचा संदर्भ दिला आहे. ‘वेदांमध्ये आदेशच आहेत, की गायीला मारण्याचे पातक करणाऱ्याचे प्राण घ्या. आमच्यापैकी बहुतांश जणांसाठी गायीचे संरक्षण हा जीवन-मरणाचा प्रश्न आहे..’ असे चतुर्वेदी यांनी लिहिले आहे. ‘लफ्ज’ या नियतकालिकाचे चतुर्वेदी संपादक आहेत. ‘संडे एक्स्प्रेस’शी बोलताना चतुर्वेदी म्हणाले की, गोहत्येच्या घटना रोखणारी अनेक उदाहरणे वेदांमध्ये दिली आहेत. यजुर्वेदात तर गायीला मारणाऱ्याला मृत्युदंडाच्या शिक्षेची तरतूद आहे. देशातील बहुसंख्याकांच्या भावनांची कदर करणार नसाल तर त्याच्या परिणामांना सामोरे जाण्याची तयारी ठेवायलाच हवी, असेही ते म्हणतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 18, 2015 5:04 am

Web Title: those who kill cow will kill him
टॅग : Rss
Next Stories
1 न्यायिक आयोगाला काँग्रेसचा पाठिंबा नाही
2 हार्वर्डचा मानवतावाद पुरस्कार कैलाश सत्यार्थी यांना प्रदान
3 रेल्वेत पाणी बाटल्यांच्या पुरवठय़ात घोटाळा करणारे दोन अधिकारी निलंबित
Just Now!
X