News Flash

जम्मू काश्मीरमध्ये तीन दहशतवाद्यांचा खात्मा; सुरक्षा दलांची कारवाई

हिजबुल मुजाहिद्दीनच्या दहशतवाद्यांना कंठस्नान घालण्यात यश

संग्रहित छायाचित्र

जम्मू काश्मीरमधील बडगाममध्ये भारतीय सुरक्षा दलांनी तीन दहशतवाद्यांना कंठस्नान घातले आहे. सुरक्षा दलाचे जवान आणि दहशतवादी यांच्यात काल (मंगळवार)संध्याकाळपासून संघर्ष सुरु होता. आज पहाटेच्या सुमारास सुरक्षा दलाच्या जवानांनी तीन दहशतवाद्यांचा खात्मा केला. हे तिन्ही दहशतवादी हिजबुल मुजाहिद्दीनचे आहेत. दहशतवाद्यांचे मृतदेह ताब्यात घेण्यात आले असून त्यांची ओळख अद्याप पटलेली नाही. दहशतवाद्यांकडे असलेली एक सेल्फ लोडिंग रायफल सुरक्षा दलांनी ताब्यात घेतली आहे.

बडगाममध्ये दहशतवादी असल्याची माहिती सुरक्षा दलांना मिळाली होती. यानंतर सुरक्षा दलांनी मंगळवारी संध्याकाळी परिसरात शोधमोहीम सुरु केली. बडगामच्या महागाम भागात संध्याकाळी साडेसात वाजल्यापासून दहशतवादी आणि सुरक्षा दलांमध्ये चकमक सुरु होती. केंद्रीय राखीव पोलीस दल, राष्ट्रीय रायफल्स आणि जम्मू काश्मीर पोलिसांच्या विशेष कारवाई पथकाने संयुक्तपणे दहशतवाद्यांशी संघर्ष केला.

अमरनाथा यात्रेवरील हल्ल्याला २४ तासही उलटून गेले नसताना बडगाममध्ये दहशतवादी लपून बसल्याची माहिती सुरक्षा दलांना मिळाली. अमरनाथ यात्रेला जाणाऱ्या भाविकांवर सोमवारी रात्री हल्ला झाला. अनंतनागमध्ये झालेल्या या हल्ल्यात सात भाविकांचा मृत्यू झाला. दहशतवाद्यांनी भाविकांच्या बसवर अंदाधुंद गोळीबार केल्याने जवळपास १५ भाविक जखमी झाले. बडगाममधील दहशतवाद्यांविरुद्धची चकमक संपली असून सुरक्षा दलांकडून परिसरात शोध मोहिम राबवण्यात येते आहे. यासोबतच बडगाममधील पोलीस बंदोबस्तातदेखील वाढ करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2017 7:41 am

Web Title: three hizbul mujahideen terrorists killed in encounter in jammu kashmirs budgam
Next Stories
1 ट्रम्पपुत्राकडून वादग्रस्त ई-मेल जाहीर
2 अमरनाथ यात्रेकरूंना वाचवणाऱ्या बसचालकास ३ लाखांचे बक्षीस
3 पीडीपी-भाजपची ‘अनैसर्गिक युती’ पुन्हा दोलायमान
Just Now!
X