श्रीनगरमधील पंथा चौक परिसरात जवान आणि दहशतवाद्यांमध्ये चकमक सुरू आहे. यामध्ये आतापर्यंत तीन दहशतवाद्यांचा खात्मा करण्यात जवानांना यश आले आहे. तर, एक जवान शहीद झाला असल्याची माहिती समोर आली आहे. काल रात्रीपासून या परिसरात चकमकीस सुरूवात झालेली आहे. प्राप्त माहितीनुसार, या चकमकीत शहीद झालेल्या जवानाचे नाव एएसआय बाबू राम असे आहे. दहशतवाद्यांच्या गोळीबारात जखमी झाल्यानंतर त्यांना तातडीने रुग्णालयात दाखल करण्यात आले होते. मात्र, त्या ठिकाणी अखेर त्यांचा मृत्यू झाला. शनिवारी रात्री दुचाकीवर आलेल्या दहशतवाद्यांकडून सीआरपीएफच्या 61 बटालियन व पोलिसांच्या संयुक्त पथकावर गोळीबार करण्यात आला व त्यानंतर त्यांनी घटनास्थळावरून पळ काढला होता. Jammu and Kashmir: Three terrorists gunned down by security forces in an encounter that began at Pantha Chowk in Srinagar last night. One police personnel lost his life. Operation is still underway. (Visuals deferred by unspecified time) pic.twitter.com/NcEdHr7YnB — ANI (@ANI) August 30, 2020 यानंतर जवानांनी संपूर्ण परिसरास नाकाबंदी करून शोधमोहीम सुरू केली होती. दरम्यान, येथील एका घरात दडून बसलेल्या दहशतवाद्यांनी जवानांवर गोळीबार सुरू केला. प्रत्युतरात जवानांनी केलेल्या गोळीबारात तीन दहशतवादी ठार झाले असल्याची माहिती मिळाली आहे.
