29 September 2020

News Flash

टायगर अभी जिंदा है; ज्योतिरादित्य शिंदे यांचं कमलनाथ यांना उत्तर

मंत्रिमंडळाच्या विस्तारात ज्योतिरादित्य शिंदे शिवराज सिंह चौहान यांच्यापेक्षा ठरले वरचढ

२०० सदस्यांच्या राजस्थान विधानसभेत बहुमतासाठी १०१ आमदारांच्या पाठिंब्याची आवश्यकता आहे. आज काँग्रेसकडे १२२ तर भाजपाकडे ७५ सदस्य आहेत. त्यामुळे मध्य प्रदेश, कर्नाटक प्रमाणे राजस्थानात सत्ता पालट होणे इतके सोपे नाही. मध्य प्रदेशात ज्योतिरादित्य शिंदे यांच्यामुळे हे शक्य झाले.

मुख्यमंत्री शिवराज सिंह चौहान यांच्या नेतृत्वाखाली राज्य मंत्रिमंडळाचा गुरूवारी विस्तार झाला. नव्यानं झालेल्या मंत्रिमंडळ विस्तारात ज्योतिरादित्य शिंदे यांचं पारडं दिसून आलं. त्याचबरोबर या विस्तारानंतर शिंदे यांनी काँग्रेसचे नेते व माजी मुख्यमंत्री कमलनाथ आणि दिग्विजय सिंग यांच्यावर टीकास्त्र डागले. “टायगर अभी जिंदा है,” असं म्हणत ज्योतिरादित्य शिंदे कमलनाथ व दिग्विजय सिंह यांना उत्तर दिलं.

मध्य प्रदेश सरकारचा मंत्रिमंडळ विस्तार झाल्यानंतर बोलताना ज्योतिरादित्य शिंदे यांनी माजी मुख्यमंत्री कमलनाथ व काँग्रेसचे नेते दिग्विजय सिंग यांना उत्तर दिलं. “मला कमलनाथ वा दिग्विजय सिंग यांच्याकडून कोणतंही प्रमाणपत्र नकोय. त्यांनी १५ महिन्यांच्या काळात राज्याला लूटलं आहे. त्यांनी सगळ काही स्वतःसाठी केलं. पण मी त्यांना सांगू इच्छितो की, टायगर अभी जिंदा है,” असं ज्योतिरादित्य शिंदे म्हणाले.

मंत्रिमंडळ विस्ताराविषयी बोलताना ज्योतिरादित्य शिंदे म्हणाले, “ज्या मंत्र्यांनी मंत्रीपदाची शपथ घेतली आहे. ते जनतेसाठी काम करतील. शिवराज सिंह चौहान यांच्या नेतृत्वाखाली १०० दिवसांपूर्वी सत्तेत आलेलं सरकार करोनाविरुद्ध लढाई लढत आहे. शेतकऱ्यांसाठी काम केलं आहे. पुढील चार वर्षातही असंच काम करत राहू. ज्या बारा व्यक्तींनी शपथ घेतली आहे. ते सर्व पोटनिवडणुकीत विजयी होतील,” असा विश्वासही ज्योतिरादित्य शिंदे यांनी व्यक्त केला.

ज्योतिरादित्य शिंदे यांनी मार्चमध्ये काँग्रेसला सोडचिठ्ठी देत भाजपात प्रवेश केला होता. त्यानंतर त्यांना राज्यसभेवर पाठवण्याची चर्चाही सुरू झाली. मात्र, गुरूवारी झालेल्या राज्य मंत्रिमंडळाच्या विस्तारात ज्योतिरादित्य शिंदे शिवराज सिंह चौहान यांना भारी ठरले. ज्योतिरादित्य शिंदे यांच्या वर्तुळातील १२ जणांनी मंत्री पदाची शपथ घेतली. यात महेंद्र सिंह सिसोदिया, प्रभु राम चौधरी, प्रद्युमन सिंह तोमर, इमरती देवी, राजवर्धन सिंह, बृजेंद्र सिंह यादव, सुरेश धाकड, गिरराज दंडोतिया, ओ. पी. भदौरिया, हरदीप सिंह डंग, बिसाहूलाल सिंह आणि एंदल सिंह कसाना यांचा समावेश आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 2, 2020 8:38 pm

Web Title: tiger abhi zinda hai jyotiraditya scindia slam to kamalnath digvijay singh bmh 90
Next Stories
1 निमलष्करी दलांची दारं तृतीयपंथीयांसाठी उघडावी का? केंद्र सरकारनं केली विचारणा
2 “प्रियंका गांधी यांच्या वाढत्या लोकप्रियतेमुळे भाजपा सरकार भेदरले”
3 ‘त्या’ विदेशी तबलिगींना तोपर्यंत व्हिसा नाही; सरकारचं सुप्रीम कोर्टात प्रतिज्ञापत्र
Just Now!
X