मुंबईत मंगळवारी झालेल्या तुफान पावसामुळे मुंबईतील अंतर्गत वाहतूक कोलमडली आहे. पावसाची संततधार सुरुच असून, खबरदारीचा उपाय म्हणून पुणे-मुंबई मार्गावरील सर्व रेल्वे रद्द करण्यात आल्या आहेत. मुंबई छत्रपती शिवाजी महाराज टर्मिनस येथून निघणारी डेक्कन क्वीन, प्रगती एक्सप्रेस या गाड्या पुण्याला जाऊ शकल्या नाहीत. त्यामुळे बुधवारी सकाळी पुण्यातून निघणाऱ्या या रेल्वे रद्द करण्यात आल्याचे मध्य रेल्वेकडून सांगण्यात आले आहे. याशिवाय गोव्याकडून नवी मुंबईत येणाऱ्या वाहनांनाही शहराबाहेर थांबविण्यात आले आहे. तुफान पावसामुळे मुंबईतील तिन्ही लोकल मार्ग तसेच बरेचसे रस्ते बंद आहेत. त्यामुळे चहूबाजूंनी मुंबईकरांची कोंडी झाली आहे. याशिवाय मुंबईतून हैद्राबाद, चेन्नई, मँगलोर, हुबळी, कन्याकुमारी याठिकाणी जाणाऱ्या गाड्यांच्या वेळा पुढे ढकलण्यात आल्या आहेत. रेल्वे मंत्रालयाने आपल्या ट्विटर हँडलव्दारे ही माहिती दिली आहे. या एक्सप्रेसच्या वेळांमध्ये बदल लोकमान्य टिळक टर्मिनसहून सुटणाऱ्या रेल्वे गाडी क्रमांक गाडीचे नाव निर्धारीत वेळ बदललेली वेळ २२१०९ हझरत निझामुद्दीन एसी एक्सप्रेस दुपारी ०२.३० रात्री १०.३० २२११३ कोचुवेली एक्सप्रेस दुपारी ०४.५५ रात्री ११.३० १२६१९ मँगलोर मत्स्यगंधा एक्सप्रेस दुपारी ०३.२० रात्री ११.०० १७३१८ हुबळी एक्सप्रेस दुपारी ६.४५ रात्री १२.३० छत्रपती शिवाजी महाराज टर्मिनसहून सुटणाऱ्या रेल्वे १७०३१ हैद्राबाद एक्सप्रेस दुपारी १२.४५ रात्री १०.४५ ११०४१ चेन्नई सेंट्रल एक्सप्रेस दुपारी ०२.०० रात्री ११.३० ११०१९ भुवनेश्वर कोणार्क एक्सप्रेस दुपारी ०३.१० रात्री १२. ३० १६३८१ कन्याकुमारी एक्सप्रेस दुपारी ०३.४५ रात्री ०१.०० १२१३३ मँगलोर एक्सप्रेस रात्री १०.०० सकाळी ०५.०० १२८०९ हावडा मेल व्हाया नागपूर रात्री ०८. ३५ सकाळी ०५.२५ ११०२७ चेन्नई सेंट्रल मेल रात्री ११.४५ सकाळी ६.१५ रद्द करण्यात आलेल्या एक्सप्रेस १२१२४ पुणे सीएसटीएम डेक्कन क्वीन १२१२६ पुणे सीएसटीएम प्रगती एक्सप्रेस ११०१० पुणे सीएसटीएम सिंहगड एक्सप्रेस १२२९० नागपूर सीएसटीएम दुरांतो एक्सप्रेस १२११० मनमाड सीएसटीएम पंचवटी एक्सप्रेस १२१४० नागपूर सीएसटीएम सेवाग्राम एक्सप्रेस १७४१२ कोल्हापूर सीएसटीएम महालक्ष्मी एक्सप्रेस
