प्रकृतीचे कारण देत बलात्कार प्रकरणातील खटल्यात आसाराम गैरहजर राहत आहे. मात्र आसारामच्या गैरहजेरीतही खटल्याची सुनावणी सुरू राहील, असे निर्देश न्यायालयाने दिले आहेत.याबाबत पुढील सुनावणी ५ मे रोजी होणार आहे. आसारामच्या गैरहजेरीत सुनावणी घेण्याबाबत न्यायालयाने आमचा अर्ज दाखल करून घेतल्याचे सरकारी वकील आर.एल. मीणा यांनी सांगितले. ५ तारखेला आसाराम गैरहजर राहिला तरी बचाव पक्ष पीडित मुलीची उलटतपासणी घेईल. आसाराम सातत्याने गैरहजर राहत असल्याने खटल्याचे कामकाज ठप्प झाले आहे. किशोरवयीन मुलीवर बलात्काराच्या आरोपावरून आसाराम २ सप्टेंबरपासून जोधपूर मध्यवर्ती कारागृहामध्ये आहे.
