News Flash

गरिबीमुळे तिने पोटच्या मुलाला ३००० रुपयांत विकले!

झारखंडमधील पूर्व सिंहभूम जिल्ह्यामध्ये ही घटना घडली.

संग्रहित छायाचित्र

गरिबीमुळे झारखंडमध्ये एका अदिवासी महिलेने आपल्या नवजात मुलाला ३००० रुपयांमध्ये विकल्याचा प्रकार समोर आला आहे. विशेष म्हणजे ज्या सरकारी रुग्णालयात संबंधित महिलेने मुलाला जन्म दिला. तिथेच तिने आपल्या पोटच्या मुलाचा सौदा केला आणि या व्यवहारासाठी रुग्णालयातील नर्स आणि इतर कर्मचाऱ्यांनी तिला मदत केली. या प्रकरणी तपास सुरू असून, त्यानंतर संबंधित दोषींवर कारवाई करण्यात येणार आहे.
झारखंडमधील पूर्व सिंहभूम जिल्ह्यामध्ये ही घटना घडली. जिल्ह्यातील पोंचापाणी गावातील चितामणी हेब्रम या महिलेला प्रसुतीसाठी मंगळवारी सरकारी रुग्णालयात दाखल करण्यात आले. तिथे तिने मुलाला जन्म दिला. पण घरची परिस्थिती अत्यंत बिकट असल्यामुळे चितामणीला हे मुल घरी नेण्याची इच्छाच नव्हती. त्याचे पालनपोषण कसे करायचे, असा प्रश्न तिच्यापुढे होता. तिने याबद्दल रुग्णालयातील नर्सला सांगितल्यावर तिच्यापुढे मूल विकण्याचा पर्याय ठेवला. त्यांनीच एका दाम्पत्याला शोधून आणून त्यांना हे मूल विकले. ३००० रुपयांमध्ये हा सौदा करण्यात आला. जमशेदपूरमधील एका दाम्पत्याने हे मूल विकत घेतले.
ज्या दिवशी ही घटना घडली. त्यावेळी संबंधित सरकारी रुग्णालयातील अधिकारी तिथे उपस्थित नव्हते. हा प्रकार उघडकीस आल्यानंतर नर्स आणि तिची सहायक यांच्या चौकशीचे आदेश देण्यात आले आहेत. खात्यांतर्गत चौकशीनंतर त्यांच्यावर कारवाई करण्यात येईल, अशी माहिती आरोग्य अधिकाऱ्यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2016 2:57 pm

Web Title: tribal mother sold her baby for 3000 rs
Next Stories
1 आता ई-आधार कार्डवरही मिळणार सीमकार्ड
2 Devyani Khobragde: देवयानी खोब्रागडे यांची रामदास आठवलेंच्या स्वीय सहाय्यकपदी नियुक्ती
3 Kashmir protests: छऱ्याच्या गोळ्यांमुळे डोळ्यांना गंभीर दुखापत झालेल्या जखमींना विमानाने दिल्लीत आणणार
Just Now!
X