केंद्रीय राज्यमंत्री अनंत कुमार हेगडे यांच्या ताफ्यातील एका गाडीचा मंगळवारी रात्री ११.३० च्या सुमारास अपघात झाला. कर्नाटकाच्या हावेरी जिल्ह्यातील हालागिरी येथे एका ट्रकने हेगडे यांच्या ताफ्यातील गाडीला धडक दिली. हा वरवर अपघात वाटत असला तरी हा अपघात नसून आपल्याला जीवे ठार मारण्याचा प्रयत्न होता असा दावा अनंत कुमार हेगडे यांनी केला आहे. हालागिरी येथून जात असताना ट्रकने माझ्या गाडीला धडक देण्याचा प्रयत्न केला. पण सुदैवाने मी ज्या गाडीत बसलेलो ती गाडी वेगात असल्यामुळे धडक टळली पण ताफ्यातील दुसऱ्या गाडीला ट्रक धडकला असे हेगडे म्हणाले. पोलिसांनी ट्रक चालकाला अटक केली असून नासीर असे त्याचे नाव आहे. हेगडे यांनी अपघातानंतर घटनास्थळावरचा व्हिडिओ आणि अटक केलेल्या ट्रक चालकाचे फोटो टि्वटरवर पोस्ट केले आहेत. I suspect serious attempt on my life looking at the incident as it doesn't make an accident. The driver has purposefully tried hitting our vehicle and then hit our escort vehicle which is quiet evident in this video. pic.twitter.com/zAZjGwIWqq— Anantkumar Hegde (@AnantkumarH) April 17, 2018 या अपघातात एस्कॉर्ट कारमधील काही जण जखमी झाले आहेत. खांद्याला फॅक्चर झाले आहे. या घटनेकडे बघितले तर हा अपघात वाटत नाही. हा मला जीवे ठार मारण्याचा प्रयत्न होता. ड्रायव्हरने जाणीवपूर्वक माझ्या गाडीला धडक देण्याचा प्रयत्न केला. मी ज्या गाडीत होतो त्या गाडीचा वेग चांगला असल्यामुळे सुदैवाने ही धडक टळली असे हेगडे म्हणाले. I urge the police to take the case seriously in spilling the truth out from this guy named Nasir. There might be a bigger nexus behind this incident and am sure Police would expose all of them. pic.twitter.com/CXQuEZKMqD— Anantkumar Hegde (@AnantkumarH) April 17, 2018 अपघाताच्यावेळी ट्रक चालक व्यवस्थित होता. त्याने मद्यपान केलेले नव्हते असे हेगडे म्हणाले. अनंत कुमार हेगडे हे नेहमीच त्यांच्या वादग्रस्त वक्तव्यांमुळे चर्चेत असतात. नरेंद्र मोदी सरकारमध्ये ते केंद्रीय कौशल्य विकास खात्याचे राज्यमंत्री आहेत. #Karnataka: Union Minister Anant Kumar Hegde's escort vehicle was hit by a truck in Halageri. No casualties reported. Hegde alleged that truck tried to hit his car but was unsuccessful in doing so. The driver has been arrested. Investigation underway. pic.twitter.com/0JdJpYeJ3O — ANI (@ANI) April 17, 2018