News Flash

करोनाला रोखण्यात अपयशी ठरल्यानं ट्रम्पचा पराभव, मात्र मोदींनी वेळेतच देशाला वाचवलं !

भाजपा अध्यक्ष जे.पी.नड्डांचा दावा

अमेरिकेत राष्ट्राध्यक्ष पदाच्या निवडणुकीत बदलाचे वारे जोरात वाहत असून विद्यमान अध्यक्ष डोनाल्ड ट्रम्प आपली सत्ता गमावणार अशी चिन्ह असून जो बायडन हे अमेरिकेचे नवे राष्ट्राध्यक्ष होण्याच्या वाटेवर आहेत. मात्र अमेरिकेत सुरु असलेल्या या निवडणुकांचा परिणाम थेट सातासमुद्रापार बिहारच्या निवडणुकांवरही होताना दिसतो आहे. बिहार विधानसभा निवडणुकीत तिसऱ्या टप्प्यातील प्रचारसभेत भाजपाचे राष्ट्रीय अध्यक्ष जे.पी.नड्डा यांनी करोनाला रोखण्यात ट्रम्प अयशस्वी ठरल्यामुळे त्यांचा पराभव होत असल्याचा दावा केला.

बिहारमधील दरभंगा येथील प्रचारसभेत बोलत असताना नड्डा यांनी अमेरिकेतील निवडणुकांचा संदर्भ दिला. करोनामुळे निर्माण झालेली परिस्थिती हाताळण्यात ट्रम्प अयशस्वी ठरल्यामुळे त्यांचा पराभव होत आहे. परंतू १३० कोटी लोकसंख्या असलेल्या देशाला पंतप्रधान मोदी यांनी योग्यवेळी लॉकडाउनचा निर्णय घेत लोकांचे प्राण वाचवल्याचं नड्डा म्हणाले.

जगातील इतर देशांप्रमाणे भारतालाही करोनाचा फटका बसला. परंतू काही कालावधीने वाढत्या रुग्णसंख्येवर नियंत्रण ठेवण्यात स्थानिक सरकारी यंत्रणांना यश येत आहे. भारतात करोनाचा धोका अद्याप पूर्णपणे टळलेला नसला तरीही करोनाच्या चाचण्या, उपचार, पीपीई किट्स अशा अनेक बाबतीत भारत सरकार आश्वासक कामगिरी करत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 5, 2020 7:47 pm

Web Title: trump fails to control covid but modi timely steps save india claims bjp president jp nadda psd 91
Next Stories
1 …तर १०० वर्षात डोनाल्ड ट्रम्प ठरतील राष्ट्राध्यक्षपदाची फेर निवडणूक न जिंकणारे पाचवे अध्यक्ष
2 ही माझी शेवटची निवडणूक; नितीश कुमारांनी काढलं भावनिक अस्त्र
3 दहावीतील मुलीची इंग्रजी ऐकून शशी थरूर झाले क्लीनबोल्ड, म्हणाले, अर्थ काय होतो?
Just Now!
X