News Flash

‘हायड्रॉक्सीक्लोरोक्विन’च्या गोळ्यांची ट्रम्प यांची विनंती

अमेरिकेत आता तीन लाख लोकांना करोनाचा संसर्ग झाला असून आठ हजार बळी गेले आहेत.

संग्रहित छायाचित्र

अमेरिकेत करोना विषाणूने कहर केला असतानाच आता अध्यक्ष डोनाल्ड ट्रम्प यांनी भारताकडे मागणी नोंदवण्यात आलेल्या हायड्रॉक्सीक्लोरोक्विनच्या गोळ्या तातडीने पाठवण्याची मागणी केली आहे. पंतप्रधान मोदी यांनी हस्तक्षेप करून मूळ मलेरियावरचे पण करोनावर गुणकारी मानले जाणारे हे औषध तातडीने पाठवावे असे ट्रम्प यांनी म्हटले आहे. ट्रम्प यांनी शनिवारी पंतप्रधान मोदी यांना दूरध्वनी केला होता. त्यात त्यांनी हायड्रॉक्सीक्लोरोक्विनच्या गोळ्या अमेरिकेत वितरणासाठी पाठवाव्यात अशी विनंती केली.

ट्रम्प यांनी शनिवारी व्हाइट हाऊस येथे घेतलेल्या दैनंदिन पत्रकार परिषदेत सांगितले की, मी भारताचे पंतप्रधान नरेंद्र मोदी यांना फोन केला होता. भारताकडे हायड्रॉक्सीक्लोरोक्विन गोळ्यांचा मोठा साठा आहे त्यामुळे अमेरिकेने जी मागणी या गोळ्यांसाठी नोंदवली आहे ती भारताने पूर्ण करावी असे आपण मोदी यांना सांगितले आहे.  अमेरिकेने नेमक्या किती प्रमाणात या गोळ्यांची मागणी नोंदवली आहे हे मात्र त्यांनी स्पष्ट केले नाही. अमेरिकेत आता तीन लाख लोकांना करोनाचा संसर्ग झाला असून आठ हजार बळी गेले आहेत.

अमेरिका हे आता करोनाचे मोठे केंद्र ठरत आहे. भारतीय वैद्यक संशोधन परिषदेने यापूर्वी मलेरिया विरोधी हायड्रॉक्सीक्लोरोक्विन गोळ्यांचा वापर करोनावर उपचारांसाठी करण्यास मान्यता दिली आहे. ट्रम्प यांनी या गोळ्यांचा सकारात्मक परिणाम करोना उपचारात दिसून आल्याचे म्हटले असून तसे असेल तर ती दैवी देणगीच समजावी लागेल, अशा भावना व्यक्त केल्या. अमेरिकेतील अनेक वैज्ञानिकांनी  हायड्रॉक्सीक्लोरोक्विनच्या गोळ्या करोनावर प्रभावी औषध असल्याचे कुठलेही पुरावे नाहीत असे म्हटले आहे. अमेरिकेच्या अन्न व औषध प्रशासनाने या औषधाला करोना विरोधी उपचारात तात्पुरती मान्यता दिली आहे. अमेरिकेत १ ते २ लाख बळी जातील असा आरोग्य तज्ञांचा अंदाज आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 6, 2020 12:16 am

Web Title: trumps request for hydroxychloroquine pills abn 97
Next Stories
1 देशभरातील करोनाबाधितांची संख्या ३३७४
2 ओमर यांच्याकडून उद्धव ठाकरे यांचे कौतुक
3 चीनकडून १००० व्हेन्टिलेटर
Just Now!
X