23 November 2020

News Flash

अफगाणिस्तानात सलग दोन स्फोट; २५ ठार, अनेक जण जखमी

दुसऱ्या स्फोटात अनेक पत्रकार जखमी झाल्याचे वृत्त आहे. हे सर्व पत्रकार स्फोटाचे वार्तांकन करण्यासाठी घटनास्थळी उपस्थित होते.

अफगाणिस्तानची राजधानी काबूल येथे एका धार्मिक कार्यक्रमात झालेल्या आत्मघातकी हल्ल्यात १४ जण ठार झाले.

अफगाणिस्तानची राजधानी काबूल शहर सोमवारी सकाळी सलग दोन स्फोटांनी हादरले. या स्फोटात २५ जण ठार तर ४५ हून अधिक लोक जखमी झाल्याचे वृत्त आहे. पहिला स्फोट शशदारक परिसरात झाला. त्यानंतर दुसरा स्फोट हा त्याच परिसरातील एनडीएस गुप्तचर कार्यालयाजवळ झाला. या स्फोटात एएफपी या वृत्तसंस्थेचे छायाचित्रकार मराई शाह हे ठार झाले आहेत.

टोलो न्यूजने दिलेल्या वृत्तानुसार, दुसऱ्या स्फोटात अनेक पत्रकार जखमी झाल्याचे वृत्त आहे. हे सर्व पत्रकार स्फोटाचे वार्तांकन करण्यासाठी घटनास्थळी उपस्थित होते. सध्यातरी कोणत्याही दहशतवादी संघटनेने हल्ल्याची जबाबदारी घेतलेली नाही. काबूल पोलिसांचे प्रवक्ते दाऊद अमीन यांनी एएफपी या वृत्तसंस्थेशी बोलताना सांगितले की, हल्ल्यात मारले गेलेले आणि जखमी झालेले सर्वसामान्य नागरिक आहेत. गृह मंत्रालयाचे प्रवक्ते नजीब दानिश यांनी हल्ल्याला दुजोरा दिला आहे.

मागील आठवड्यात काबूलमधील मतदार नोंदणी कार्यालयाजवळ झालेल्या स्फोटात ६० लोक ठार झाले होते. ऑक्टोबर महिन्यात होणाऱ्या सार्वत्रिक निवडणुकांच्या पार्श्वभूमीवर हल्ल्यांची तीव्रता वाढेल असा इशारा सुरक्षा अधिकाऱ्यांनी दिली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2018 11:06 am

Web Title: two explosions hit shashdarak area in afghanistans kabul city four killed and five wounded
Next Stories
1 मोदींना श्रेय देताना नासाचे फोटो पोस्ट करुन पियूष गोयलनी फशिवलं
2 पाकचा रडीचा डाव ! 26/11 मुंबई हल्ला प्रकरणातील मुख्य सरकारी वकिलाला खटल्यातून हटवले
3 सीआरपीएफचे ३ जवान निलंबित, मदतीच्या बहाण्याने बलात्कार केल्याचा आरोप
Just Now!
X