लश्कर ए तैयबा या दहशतावादी संघटनेशी संबंध असलेल्या दोन दहशतावाद्यांचा खात्मा करण्यात जवानांना यश आले आहे. इरफान अहमद व तसादक शाह अशी ठार करण्यात आलेल्या दहशतावद्यांची नाव आहेत. जम्मू - काश्मीरमधील बंदीना अवंतीपुरा येथे आज जवान आणि दहशतवाद्यात चकमक झाली. जम्मू-काश्मीरचे डीजीपी दिलबाग सिंह यांनी यांनी या वृत्ताला दुजोरा दिला आहे. त्यांनी सांगितले की, काल मध्यरात्री अवंतीपूरा येथे एक विशेष मोहिम राबण्यात आली. ज्यामध्ये दोन दहशतवाद्याचा खात्मा झाला हे दोघेही स्थानिक होते मात्र ते दहशतवादी संघटना लश्कर ए तैयबाच्या संपर्कात होते.
