News Flash

भारतातील ‘मॉब लिंचिंग’च्या घटना लाजिरवाण्या, ब्रिटनमधील खासदाराची टीका

ब्रिटन सरकारने या प्रश्नी लक्ष घालावं अशीही मागणी करण्यात आली आहे

प्रातिनिधीक संग्रहित छायाचित्र

भारतात होणाऱ्या मॉब लिचिंगच्या घटना निषेधार्ह आहेत. याप्रकरणी ब्रिटिश सरकारने लक्ष घालावं अशी मागणी द लेबर पार्टीने केली आहे. लेबर पार्टीचे खासदार जोनाथन एशवर्थ यांनी भारतातील मॉब लिंचिंगच्या घटनांबाबत चिंता व्यक्त करणारं एक पत्र ब्रिटन सरकार आणि देशाचे परराष्ट्र सचिव यांना लिहिलं आहे. भारत सरकार मुस्लिमांवर होणाऱ्या हल्ल्यांबाबत गंभीर नसल्याचा उल्लेख या पत्रात करण्यात आला आहे. तसेच या प्रकरणी आता ब्रिटन सरकारने लक्ष घालावं अशीही मागणी या पत्रात करण्यात आली आहे. भारतात घडणाऱ्या य़ा घटना लाजिरवाण्या आहेत असंही या पत्रात नमूद करण्यात आलं आहे.

भारतात मुस्लीम समाजातल्या लोकांवर होणारे हल्ले आणि मॉब लिचिंगसारख्या घटना अत्यंत चिंताजनक आहेत. या घटनांमधून मुस्लीम समाजाच्या लोकांवर हल्ले केले जातात. ज्यामध्ये त्यांचा मृत्यू होतो, गंभीर मारहाण करण्यात येते या सर्व बाबी चिंताजनक आहेत. क्षुल्लक कारणांवरुन दंगली उसळणे, भेदाभेद होणे, तोडफोड केली जाणे या घटनाही यासोबत घडत आहेत. प्रत्येकाला त्याच्या धर्मानुसार आचरण करण्याचा अधिकार आहे त्यामुळे आता या घटना रोखण्यासंदर्भात ब्रिटन सरकारने लक्ष घालावे आणि मोदी सरकारला याबाबत सल्ला द्यावा अशी मागणी लंडन येथील लेबर पार्टीचे खासदार जॉनसन अशवर्थ यांनी केली आहे.

जून महिन्यात झारखंडमध्ये एका मुस्लीम तरुणाला बाईक चोरीच्या संशयावरुन झाडाला बांधण्यात आले आणि त्याला सात तास मारहाण करण्यात आली. यानंतर जमावाने त्याला पोलिसांच्या ताब्यात दिले. या तरुणाला प्रचंड मारहाण झाली असल्याने पोलिसांनी त्याला रुग्णालयात दाखल केले होते. रुग्णालयात तीन दिवस उपचार घेतल्यानंतर या तरुणाचा मृत्यू झाला. तसंच बीफ सूप पिताना एका तरुणाने फेसबुकवर फोटो शेअर केल्याने त्याला मारहणा करण्यात आल्याची घटना शुक्रवारी घडली. तसंच शनिवारीच पोलिसांचेही मॉब लिंचिंग होत असल्याची बाब मायावती यांनी अधोरेखित केली. या सगळ्या घटनांबाबत आता ब्रिटनमधील लेबर पार्टीच्या खासदारांनी चिंता व्यक्त केली आहे. टाइम्स नाऊने यासंदर्भातले वृत्त दिले आहे. भारतात घडणाऱ्या या घटना लाज आणणाऱ्या आहेत असंही लेबर पार्टीने म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2019 9:27 am

Web Title: uks labour party slams india over attacks on muslims requests british government to intervene scj 81
Next Stories
1 हिमाचल प्रदेशात इमारत कोसळून १४ ठार, मृतांमध्ये १३ जवानांचा समावेश
2 तांत्रिक अडचणींमुळे चांद्रयान-२ चं प्रक्षेपण रद्द, इस्रो लवकरच नवीन वेळ जाहीर करणार
3 कर्तारपूर मार्गिका करार: मसुद्यावरील ८० टक्के मुद्दय़ांवर सहमती
Just Now!
X