04 March 2021

News Flash

मोठा निर्णय! खासदारांची वर्षभरासाठी ३० टक्के वेतन कपात

केंद्रीय माहिती आणि प्रसारण मंत्री प्रकाश जावडेकर यांची माहिती

करोनाशी लढण्यासाठी खासदारांची ३० टक्के वेतन कपात करण्याचा निर्णय केंद्राने घेतला आहे. माहिती आणि प्रसारण मंत्री प्रकाश जावडेकर यांनी ही माहिती दिली आहे. आर्थिक वर्ष २०२०-२१ या वर्षासाठी हा निर्णय घेण्यात आला आहे. कॅबिनेटच्या बैठकीत या निर्णयाला मंजुरी देण्यात आली असंही प्रकाश जावडेकर यांनी स्पष्ट केलं. तूर्तास १२ महिन्यांसाठी हा निर्णय घेतला आहे. या संदर्भातल्या अध्यादेशाला मंजुरी देण्यात आली आहे असंही प्रकाश जावडेकर यांनी स्पष्ट केलं. करोनाशी लढता यावं यासाठी हा निर्णय घेण्यात आला आहे.

राष्ट्रपती, उपराष्ट्रपती, पंतप्रधान यांच्यासह सगळ्या खासदारांच्या पगारात कपात करण्याचा निर्णय झाला असल्याचं प्रकाश जावडेकर यांनी स्पष्ट केलं. दिल्लीत झालेल्या पत्रकार परिषदेत ते बोलत होते. आपल्या देशावर आलेलं करोनाचं संकट हे खूप मोठं आहे. त्यामुळे या संकटाशी सामना करण्यासाठी सगळ्यांनी एकत्र यायला हवं. याच विषयावर कॅबिनेटच्या बैठकीत चर्चा झाली आणि त्यानंतर हा निर्णय एकमुखाने घेण्यात आला असंही जावडेकर यांनी स्पष्ट केलं.

देशभरातली करोनाग्रस्तांची संख्या ४ हजाराच्या वर गेली आहे. देशात १४ एप्रिलपर्यंत लॉकडाउन पुकारण्यात आला आहे. त्यानंतर काय केलं जाणार? यासंदर्भात प्रश्न विचारला असता प्रकाश जावडेकर यांनी यावरही उत्तर दिलं. प्रकाश जावडेकर म्हणाले की जगभरातल्या करोनाच्या फैलावाचे मिनिटामिनिटाचे अपडेट्स आपण घेत आहोत. भारतात काय उपाय योजायचे हे त्या त्या वेळी ठरवलं जाईल. तूर्तास लॉकडाउननंतर काय निर्णय घ्यायचा याची चर्चा बैठकीत झाली नाही असंही त्यांनी स्पष्ट केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 6, 2020 3:50 pm

Web Title: union cabinet approves ordinance amending the salary allowances and pension of members of parliament act 1954 reducing allowances and pension by 30 w e f 1st april scj 81
Next Stories
1 स्वतंत्र भारताच्या इतिहासातील सर्वात मोठं आर्थिक संकट, रघुराम राजन यांचा मोदी सरकारला इशारा
2 करोनाचा मुकाबला : भारताला लागणार दीड कोटी पीपीई, दोन कोटी ७० लाख मास्क
3 लॉकडाउन : मद्य मिळालं नाही म्हणून प्यायले पेंट वॉर्निश; आणि….
Just Now!
X