News Flash

पंतप्रधान मोदींच्या अध्यक्षतेखाली केंद्रीय मंत्रिमंडळाची बैठक; दूरसंचार क्षेत्रासाठी होऊ शकते मदतीची घोषणा  

सरकार दूरसंचार क्षेत्रासाठीच्या पॅकेजसाठी बँकांसह अनेक भागधारकांशी चर्चा करत आहे.

Union cabinet meeting pm narendra modi Relief Package for Telecom Sector

पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळ बुधवारी होणाऱ्या बैठकीत दूरसंचार क्षेत्राला मदत देण्याचा विचार करू शकते. गंभीर संकटातून जात असलेल्या वोडाफोन आयडिया (व्हीआयएल)ने देखील सरकार या क्षेत्रातील सर्व संरचनात्मक समस्यांचे सोडवण्यासाठी आवश्यक मदत करेल आशा व्यक्त केली आहे. या बैठकीच्या पार्श्वभूमीवर व्होडाफोन आयडिया आणि भारती एअरटेलच्या शेअर्समध्ये मंगळवारी वाढ दिसून आली आहे.

सरकार दूरसंचार क्षेत्रासाठीच्या पॅकेजसाठी बँकांसह अनेक भागधारकांशी चर्चा करत आहे. सध्या व्होडाफोन आयडिया प्रचंड नुकसान आणि मोठ्या कर्जामुळे अडचणीत आहे. या कंपन्या बंद पडल्यास भारताच्या दूरसंचार क्षेत्रात मक्तेदारी आहे त्यामुळे याबाबत चिंता व्यक्त करण्यात आली आहे. याशिवाय, सरकारच्या एजीआर दाव्यांमुळे टेलको सर्वात जास्त प्रभावित आहे. तज्ञांच्या मते, सरकारचे मत आहे की या क्षेत्रात स्पर्धा चालू राहिली पाहिजे आणि मक्तेदारीची शक्यता टाळली पाहिजे.

गेल्या आठवड्यात व्होडाफोन आयडियाचे माजी अध्यक्ष कुमार मंगलम बिर्ला यांनी केंद्रीय दळणवळण मंत्री अश्विनी वैष्णव यांची भेट घेतली होती. १ सप्टेंबर रोजी झालेल्या बैठकीत बिर्ला आणि वैष्णव यांनी या क्षेत्रात सरकारी हस्तक्षेपाची तातडीची गरज यावर चर्चा केली.

सरकारकडून मदत उपायांच्या अपेक्षेने मंगळवारी दूरसंचार क्षेत्रातील शेअर्सचे भाव वाढले होते. वोडाफोन आयडियाचे शेअर्स जवळपास १५ टक्क्यांनी वाढले. दिवसाचा व्यवहार संपल्यावर त्याचे शेअर मागील बंदच्या तुलनेत १४.६८ टक्क्यांनी वाढून ८.२८ रुपये प्रति शेअरवर बंद झाले. दुसरीकडे भारती एअरटेल २.४८ टक्क्यांनी वाढून ६७०.७०  रुपये प्रति शेअरवर बंद झाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 8, 2021 11:30 am

Web Title: union cabinet meeting pm narendra modi relief package for telecom sector abn 97
Next Stories
1 करोना अँस्पिरिननं बरा होतो का? सरकारनं केलं Fact Check
2 घरात असो वा घराबाहेर, हिंसा हीच पाकिस्तानची संस्कृती : भारताचे संयुक्त राष्ट्रात खडे बोल
3 “प्रत्येक घरात परवानाधारक शस्त्रे ठेवावीत, तरच…”, भाजपाच्या महिला मंत्र्यांचं खळबळजनक विधान
Just Now!
X