News Flash

केंद्रीय मंत्री श्रीपाद नाईक अपघातात जखमी

पत्नी विजया तसेच स्वीय सहाय्यकमृत्यू

(संग्रहित छायाचित्र)

 

कर्नाटकमधील अंकोला तालुक्यात हिल्लूर-होसकांबी गावाजवळ केंद्रीय मंत्री श्रीपाद नाईक यांच्या गाडीला भीषण अपघात झाला, त्यामध्ये नाईक यांच्या पत्नी विजया यांचा मृत्यू झाला असून  श्रीपाद नाईक जखमी झाले आहेत.

अपघातामध्ये विजया यांच्या डोक्याला जबर दुखापत झाली, त्यांना जखमी अवस्थेत अंकोलातील खासगी रुग्णालयात आणण्यात येत असताना त्यांचा मृत्यू झाला. गाडीत असलेल्या आणखी एका व्यक्तीचा सरकारी रुग्णालयात मृत्यू झाला. श्रीपाद नाईक यांची प्रकृती स्थिर असून त्यांना प्रथमोपचारानंतर गोवा वैद्यकीय महाविद्यालयात दाखल करण्यात आले आहे.

नाईक आणि त्यांच्या कुटुंबातील चार जणांनी येळ्ळापूर येथे सकाळी गंटे गणपतीचे दर्शन घेतले आणि पूजा केली. त्यानंतर हे सर्वजण गोकर्णकडे रवाना झाले. राष्ट्रीय महामार्ग-६३ वरून त्यांच्या गाडीने छोटय़ा रस्त्यावर वळण घेतले. मात्र तो रस्ता अतिशय खराब होता त्यामुळे चालकाचा वाहनावरील ताबा सुटला आणि गाडी पलटली. या घटनेचे वृत्त समजताच पोलीस तातडीने घटनास्थळी रवाना झाले. विजया आणि अन्य दोघांच्या डोक्याला गंभीर दुखापत झाली, पोलिसांनी अन्य जखमींना अंकोलातील रुग्णालयात दाखल केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 12, 2021 12:57 am

Web Title: union minister shripad naik vehicle crashed abn 97
Next Stories
1 ट्विटरमधील शक्तिशाली ‘विजया’!
2 लसीकरणाच्या पहिल्या टप्प्याचा खर्च केंद्रातर्फे
3 केंद्राची कानउघाडणी!
Just Now!
X